Fëmijës i merret goja? Nëse e trajtoni para kësaj moshe mund të shërohet

Belbëzimi mund të rikuperohet në tre nga katër raste nëse çrregullimi trajtohet në një moshë të re, para moshës shtatë vjeçare, ndërsa nëse ndërmerren veprime gjatë adoleshencës përmirësimi është i mundur por më pak i dukshëm, derisa bëhet më i rrallë dhe i vështirë nëse problemi trajtohet kur fëmija është rritur.




0 0

Për të trajtuar belbëzimin me rezultatet më të mira është e nevojshme të kujdeseni për atë herët, më së miri do të ishte para moshës 7 vjeçare, dhe në çdo rast “brenda” adoleshencës, sepse në moshë të rritur, përmirësimet janë më të vështira.

Belbëzimet vazhdojnë, shkronjat nuk mund të shqiptohen qartë dhe saktë. Dhe defekti i shqiptimit duket se përkeqësohet kur më pak e prisni, ose kur jeni të ngazëllyer. Belbëzimi është një nga çrregullimet më të shpeshta të të folurit, me një përhapje midis popullsisë botërore prej rreth 1%.

Ekspertët shpjegojnë se belbëzimi mund të rikuperohet në tre nga katër raste nëse çrregullimi trajtohet në një moshë të re, para moshës shtatë vjeçare, ndërsa nëse ndërmerren veprime gjatë adoleshencës përmirësimi është i mundur por më pak i dukshëm, derisa bëhet më i rrallë dhe i vështirë nëse problemi trajtohet kur fëmija është rritur.

Udhëzimet e para evropiane

Të dhënat vijnë nga konferenca e parë italiane për çrregullimet verbale të rrjedhshmërisë e kryer nën patronazhin e Federatës Italiane të Logopedistëve (FLI), të Departamentit të Shkencave Kirurgjike të Universitetit të Torinos dhe të Universitetit Sapienza të Romës, gjatë së cilës u prezantuan rreshtat e parë të Udhëzuesit Evropian për belbëzimin, kuruar nga shoqata e terapistëve holandezë.

Kërkoni këshilla nga pediatri

Shumë fëmijë mund të mësojnë të flasin duke përsëritur pjesë të fjalëve dhe duke zgjatur zërin kur thonë zanoret. Në shumicën e rasteve ato janë sjellje kalimtare që zgjidhen në mënyrë spontane. Nëse, nga ana tjetër, kjo fazë vazhdon të manifestohet për mbi 6 muaj pa treguar përmirësim, “është mirë që të filloni ta thelloni atë duke folur për të para së gjithash me pediatrin, i cili do t’i këshillojë prindërit me kë të kontaktojnë”, shpjegon Tiziana Rossetto, Presidente e Federatës Italiane të Terapistëve të të folurit.

Ekipet multidisiplinare

Qendrat me të cilat mund të kontaktoni për sqarime dhe për t’u adresuar në lidhje me trajtimin e belbëzimit janë ato që merren me çështjet që lidhen me moshën e zhvillimin e fëmijës ku është e mundur të gjeni ekipe multidisiplinare të përbëra nga neuropsikiatër të fëmijëve, terapistë të të folurit dhe psikologë zhvillimi.

A e dinit?

Prindërit dhe mësuesit nuk duhet ta anashkalojnë rolin e tyre vëzhgues: disa studime kanë treguar që të rinjtë me probleme me belbëzimin kanë një rrezik 68% më të madh të keqtrajtohen dhe diskriminohen sesa moshatarët e tyre pa defekte në të folur.

Lexo edhe: Testet për të kuptuar vonesat në zhvillimin e fëmijës






Për të lënë një koment ju duhet të jeni regjistruar Identifikohu



Materiale te ngjashme

Sa është madhësia normale e...

Adoleshenca është koha e rritjes së shpejtë dhe ndryshimeve të tjera të nxitura nga fillimi i pubertetit. Mund të jetë një kohë e pasigurisë së madhe, pasi disa adoleshentë në...

Këshilla për trajnimin e tualetit...

Presioni për të mësuar fëmijën të shkojë në tualet mund të jetë intensiv. Çerdhja ose kopshti i fëmijës suaj ka caktuar një afat. Ju dëshironi të vazhdoni me të tjerët...

Rëndësia e vizatimeve të fëmijëve...

"Interpretimi i vizatimit të fëmijëve - zbulo fëmijën tënd" është një nga librat e psikologes Lorela Garuli e cila ka vënë këtë libër udhëzues në dispozicion të prindërve, mësuesve, edukatorëve...

Shkëputja dhe rikthimi i fëmijës...

Periudha e vjeshtës është koha kur shumë nëna vendosin të çojnë për herë të parë vogëlushët e tyre në çerdhe, gjë që shoqërohet me ankthin e ndarjes, pasiguritë nëse kanë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X