Në Amerikë, nënat kanë të drejtë t’i japin gji fëmijës së tyre në publik, por çfarë ndodh kur jeni në aeroplan? Kjo është çështja që një nënë e Kalifornisë, Shelby Angel, nxori në dritë pasi kishte një përvojë të keqe në një linjë holandeze.

Në një postim në Facebook që është bërë viral Shelby shpjegoi:

“Përpara se të dilnim, mu afrua një stjuardesë që mbante një batanije. Më tha “nëse dëshiron të vazhdosh të ushqesh me gji, duhet të mbulohesh”. Unë i thashë “vajzës sime nuk i pëlqen të mbulohet”. Kjo do ta mërziste pothuajse aq sa të mos ushqehej më me gji, por më tërhoqi vërejtjen se nëse dikush ankohej, do të ishte problemi im për t’u marrë me ta (askush nuk u ankua).

Linja ajrore u përgjigj: “Për të siguruar që të gjithë pasagjerët tanë të të gjitha prejardhjeve të ndihen rehat në bord, mund të kërkojmë që një nënë të mbulojë veten gjatë dhënies së gjirit, nëse udhëtarët e tjerë do të ofendohen nga kjo”.

Përdoruesit e Twitter nuk e pëlqyen këtë përgjigje dhe madje filluan të kërkojnë linja të tjera për politikat e tyre për ushqyerjen me gji.

Ky bisedë e rëndësishme në internet nënvizon se sa jetësore është që linjat ajrore të kenë politika mbështetëse dhe të stërvitin stafin për këto politika. Në mars, një nënë kanadeze mbushi titujt ndërkombëtarë pasi një përfaqësues i linjës Air Canada i tha asaj të ushqente fëmijën me gji në banjë.

Është koha që çdo linjë ajrore të pranojë se ushqyerja me gji duhet të mirëpritet dhe se të gjithë anëtarët e stafit duhet ta kuptojnë këtë.

Lexo edhe: E nxjerrin jashtë nga avioni sepse vuante nga një sëmundje e lëkurës