Arushët lodra ju bëjnë mirë fëmijëve, e vërteton dhe shkenca

Që shumë kohë më parë, fëmijët e vegjël kanë qenë të lidhur pas një arushi që ka domethënie të veçantë për ta, me të cilin mund të luajnë e të flenë të përqafuar gjatë natës. Shkencëtarët knë zbuluar një sërë përfitimesh që kanë arushët në rritjen dhe zhvillimin e fëmijëve.

Si të zgjedh arushin e duhur?

Butësia është çelësi për një arush të pështatshëm për fëmijën. Ndjesia që do t’ju japë një përqafim me materialin e butë të arushit do të jetë e jashtëzakonshme për të vegjlit.

Arushët rrisin mirëqenien psikologjike

Shkencëtarët kanë zbuluar se objektet e dashura për fëmijët i ndihmojnë ata të përballojnë emocionet e të reduktojnë stresin. Arushët lehtësojnë traumat që mund të kalojnë fëmijët dhe zëvendësojnë mungesën e prindërve. Ata krijojnë një ndjenjë paqeje, rehatie dhe sigurie. Fëmijët që rriten me arushë kanë gjasa të bëhen shumë më socialë kur të rriten.

A po merr arushi dashurinë për prindërit?

Studimet tregojnë se arushët marrin rëndësi të madhe për fëmijët nëse ata kalojnë shumë pak ose aspak kohë me prindërit. Nëse prindërit rrinë gjatë me fëmijët, është e vështirë që ata të zëvendësohen nga arushët.

Fëmijët i shohin arushët si qenie me jetë

Disa studime tregojnë se shumë fëmijë i shikojnë arushët me veti unike dhe besojnë se kanë shpirt e janë qenie të gjalla. Studimet kanë treguar se fëmijët nuk dëshironin t’i “kopjonin” lodrat e tyre edhe nëse do të prodhonin lodra të reja identike me të parat. Ata i qëndrojnë besnikë objektit origjinal.

Lexo edhe: A duhen ndare lodrat sipas gjinise se femijes?
')}