Higjiena orale e fëmijëve ka një aleat të ri kundër kariesit: boronicat. Polifenolet që gjenden në sasi të mëdha në këto fruta, në fakt, ndihmojnë për të mbajtur larg bakteret që shkaktojnë kariesin. Zbulimi vjen nga hulumtimi i botuar në Gazetën Europiane të Shkencave Orale, i cili nxjerr në pah se si polifenolet parandalojnë bakteret që t’i bashkëngjiten dhëmbëve dhe mishit të tyre. Dhe kjo është shumë e dobishme për fëmijët, të cilët në përgjithësi e duan këtë fryt, ndërsa higjiena e tyre orale shpesh nuk është e përsosur.

Një grusht boronica në ditë…

Një grusht boronica në ditë ndihmon për të luftuar veprimin e baktereve të dëmshme në gojën tonë. Siç është theksuar nga Nigel Carter, drejtor i Fondacionit të Shëndetit Oral, veprimi i polifenoleve mbetet aktiv në gojën tonë edhe pas gëlltitjes së boronicave. Kjo veçori lejon një mbrojtje të qëndrueshme nga kariesi. Duke pasur parasysh përbërjen e polifenoleve, vazhdon Carter, ka të ngjarë që në të ardhmen e afërt të mund t’i shtohen produkteve të higjienës orale, nga gargaret tek pasta e dhëmbëve. Ekzistojnë ende disa aspekte për t’u eksploruar, por hipoteza e shtimit të boronicave në produktet e kujdesit oral nuk është shumë e largët.

Një ndihmë nga frutat

Një fushë tjetër e përdorimit të polifenoleve që përmbajnë boronicat mund të jenë pijet e shëndetshme. Polifenolët që treten në ujë do të krijojnë në fakt një alternativë të shëndetshme dhe të shijshme ndaj pijeve klasike, shpesh të pasura me sheqerna, shkak tjetër i kariesit. Ky frut, përfundon Carter, ka një veprim dashamirës në trupin tonë. Fibra dhe ushqyesit e saj ndihmojnë, ndër të tjera, për të zvogëluar rrezikun e kancerit dhe sëmundjeve të zemrës. Prandaj ato përfaqësojnë një ilaç për mirëqenien tonë.
Boronica nuk është vetëm e mirë për higjienën orale. Përbërësit e saj shërbejnë si antibiotikë natyrorë, dhe është në gjendje për të luftuar infeksionet bakteriale.

Lexo edhe: A mund te konsumojme boronica ne shtatzani?