Ka shumë mënyra për të bërë fëmijët të hanë fruta dhe perime, por një studim i ri nxjerr disa të vërteta të frikshme. Sipas gjetjeve të paraqitura në takimin vjetor të Shoqërisë Amerikane për Ushqyerjen, miliona njerëz po vdesin nga dështimi për të ngrënë fruta dhe perime.

Rëndësia e frutave dhe perimeve

“Frutat dhe perimet janë një komponent i modifikueshëm i dietës që mund të ndikojë në vdekjen e parandalueshme globalisht”, tha në një deklaratë autorja kryesor Viktoria Miller, një studiuese postdoktorale në Universitetin Tufts. “Gjetjet tona tregojnë nevojën për përpjekje të bazuara në popullsi për të rritur konsumin e frutave dhe perimeve në të gjithë botën”.

Të dhënat janë një kujtesë e rëndësishme për shkallën në të cilën prindërit mund të kontrollojnë rezultatet e shëndetit, duke bërë zgjedhje të mira ushqyese për fëmijët e tyre. Frutat dhe perimet janë burime të rëndësishme të kaliumit, fibrave dhe magnezit, së bashku me antioksidantë dhe fenolikë, të cilat reduktojnë kolesterolin dhe presionin e gjakut. Frutat dhe perimet rritin bakteret e mira në traktin e tretjes dhe zvogëlojnë rrezikun e obezitetit dhe sëmundjeve kardiovaskulare.

Vdekjet si pasojë e mungesës së frutave dhe perimeve

Për të pikturuar një tablo të gjerë dhe të saktë, Mozaffarian, Miller dhe ekipi i tyre analizuan sondazhet e dietave dhe të dhënat e disponueshmërisë së ushqimit që përfshinin 113 shtete, që zënë rreth 82 për qind të popullsisë së botës. Ata e kombinuan këtë informacion me shkakun e të dhënave të vdekjes dhe të dhënat mbi rrezikun kardiovaskular të lidhur me konsumin e frutave dhe perimeve nga secili vend. Studimi, pjesë e projektit të Dietary Database, financuar nga Fondacioni Bill dhe Melinda Gates, tregoi se konsumi i pamjaftueshëm i frutave rezultoi me 1.3 milion vdekje nga goditja dhe më shumë se 520.000 vdekje nga sëmundjet koronare të zemrës çdo vit. Konsumi i ulët i perimeve ishte vlerësuar se rezulton në rreth 200,000 vdekje nga goditja dhe mbi 800,000 vdekje nga sëmundjet koronare të zemrës çdo vit. Vetëm në SHBA, dështimi për të ngrënë perime të mjaftueshme mund të rezultojë në 82,000 vdekje të panevojshme kardiovaskulare dhe dështimi për të ngrënë fruta llogaritet për 57,000 vdekje.

Nuk është një mister i madh se si sëmundjet kardiovaskulare u bënë shkaku numër një i vdekjeve në Amerikë, si dhe në mbarë botën.

Lajm i mirë është se ky problem, edhe pse i madh dhe global, mund të zgjidhet shumë në nivel lokal. Hulumtuesit vënë re se gjithçka që duhet është rreth 300 gramë fruta dhe 400 gramv perime në ditë për të arritur nivele optimale, që është rreth dy mollë të vogla dhe tre gota perime të papërpunuara, përfshirë bishtajoret.

Lexo edhe: Frutat e sitnës së verës, çfarë t’i jepni fëmijës sipas moshës