Frutat e stinës së verës, çfarë t’i jepni fëmijës sipas moshës

0 0

Të ëmbla, plot aromë dhe plot ngjyra. Frutat zakonisht u pëlqejnë të gjithë fëmijëve, por disa lloje mund të shkaktojnë alergji dhe duhet të shmangni problemet për fëmijën. Pjeshka, kajsitë, luleshtrydhet, qershitë dhe shalqiri duhet të ofrohen në kohën e duhur.

Të pasura me ujë që i mbajnë të hidratuar

Për shkak të nxehtësisë dhe djersitjes, të vegjlit, ashtu si të rriturit, humbin shumë lëngje, të cilat duhet të zëvendësohen. Kjo është arsyeja pse frutat, në sajë të përmbajtjes së ujit (80-90 për qind) dhe kripërave minerale, nxisin hidratimin e trupit, duke e ndihmuar atë të plotësojë lëngjet e humbura dhe mineralet, dhe rregullon temperaturën e trupit.

Shumë vitamina

Frutat përmbajnë shumë lëndë ushqyese: përveç kripërave minerale, ato gjithashtu sigurojnë shumë vitamina. Në verë gjenden në veçanti fruta të pasura me vitaminë C (në luleshtrydhe dhe manaferra), e cila forcon sistemin e mbrojtjes natyrore dhe beta-karoten, pararendës i vitaminës A (në kajsi, pjeshkë dhe pjepër). Sidomos në verë, beta-karoteni ndërhyn në sintezën e vitaminës D, e rëndësishme për mirëqenien e kockave, e cila aktivizohet pikërisht nga drita dhe rrezet e diellit.

Rreziku i alergjisë

Kushtojini vëmendje kohës kur i përfshini në dietë, sepse jo të gjitha frutat e verës shkojnë mirë që nga fillimi, pasi kur futen shumë herët mund të shkaktojnë alergji.

Nga 4-6 muaj

Bananet dhe kumbullat janë ndër frutat e para që i jepen të vegjëlve në fillim të futjes së ushqimeve të ngurta për shkak të aromës së tyre, ëmbëlsisë dhe tretshmërisë së lartë.

10 muaj

Mushmollat, pjeshkat dhe kajsitë mund të ofrohen të freskëta për të vegjlit vetëm pas dhjetë muajve sepse ato mund të shkaktojnë alergji.

12 muaj

Shalqiri dhe pjepri, fillohen në këtë fazë sepse ato mund të jenë të vështira për t’u tretur më parë.

Pas 2 vitesh

Luleshtrydhet, qershitë, rrushi, arrat (arra, lajthi, bajame, kikirikë dhe fistikë) nuk duhet të ofrohen para kësaj moshe sepse ato janë shumë alergjike nëse fëmija është i përgatitur.

Lexo edhe: Supe me perime vere






Për të lënë një koment ju duhet të jeni regjistruar Identifikohu



Materiale te ngjashme

Konsumi i frutave ju mbron...

Dy racione frutash në ditë mund të zvogëlojnë rrezikun e zhvillimit të diabetit të tipit 2 me 36%, një sëmundje që prek afërsisht 451 milionë njerëz në mbarë botën dhe...

Adoleshentët hanë shumë më keq...

Dietat e adoleshentëve u përkeqësuan gjatë kësaj periudhe të gjatë pandemike. Kjo është ajo që del nga rezultatet e sondazhit "Adoleshentët një vit më vonë" të kryer nga Shoqata e...

Zëri i nënës qetëson dhimbjet...

Ekziston një qetësues tërësisht natyral që mund të lehtësojë dhimbjen e foshnjave të lindura parakohe kur ata duhet t'i nënshtrohen trajtimeve që shkaktojnë siklet: është zëri i nënës. Kjo u...

Këshilla për të menaxhuar fëmijët...

Nuk janë të paktë fëmijët që, njëherë para ngrënies, fillojnë të bëjnë naze në tryezë. Ata kthejnë kokën, shtrëngojnë buzët për të refuzuar ushqimin, shpesh ngrihen nga karriget e tyre...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X