Shumë nëna të reja kërkojnë të humbin peshë pas lindjes por kanë frikë të ushtrohen për arsye se mendojnë se ushtrimet fizike mund të ndikojnë në prodhimin e qumëshit të gjirit. Por sa e vërtet është kjo?
Ushtrimet fizike mbi të gjitha ndikojnë për mirë në shëndetin tuaj të përgjithshëm kështu që nuk ka arsye të mendojmë se ato do të ndikonin negativisht në gjidhënie. Madje as stërvitja rigoroze nuk ka ndikim domëthënës në prodhimin e qumështit nga trupi juaj dhe pavarësisht atyre që mund të keni dëgjuar ka shumë pak mundësi që bebi të refuzojë qumështin pasi keni kryer ushtrime fizike.
Ndoshta mund të keni dëgjuar për studimin e famshëm të vitit 1992 i cili pretendonte se niveli i acideve laktike është më i lartë në qumështin e gjirit pas kryerjes së ushtrimeve fizike, dhe si pasojë bebet nuk e pëlqenin atë. Ky studim doli në konkluzionin se nënat duhet të ushqejnë bebin përpara se të bëjnë ushtrime fizike ose deri në 90 minuta pas tyre.
Por në ditët e sotme ky studim nuk merret për bazë pasi ngre shumë dyshime për mënyrat që u përdorën për zhvillimin e këtij studimi. Një nga dyshimet është se bebet në këtë studim u ushqyen me pikatore dhe jo drejtpërdrejt nga gjiri i nënës dhe kjo mendohet të jetë arsyeja se përse bebet e refuzuan qumëshin dhe jo fakti se nënat e tyre kishin kryer aktivitet fizik.
Për aq kohë që bebi juaj duket i uritur nuk ka arsye për të mos e ushqyer me gji edhe menjëherë pas kryerjes së aktivitetit fizik. Por për rehatinë tuaj personale është më mirë ta pomponi qumështin përpara se të dilni për vrap apo të shkoni në palestër. Gjithashtu këshillohet edhe përdorimi i reçipetave mbështetëse, poshtë atyre sportive për të pasur një mbështetje më të mirë.
Lexoni dhe: Vrapi, si ti parandalojme demtimet
')}
Për të lënë një koment ju duhet të jeni regjistruar Identifikohu