Cistet ovariane janë një problem me të cilin përballen shumë femra dhe me siguri shumë prej tyre mund të shqetësohen për situatën më të keqe të mundshme.

Megjithatë shumica dërrmuese e cisteve ovariane nuk janë kancerogjene, edhe pse disa prej tyre mund të jenë.

Cistet ovariane janë qeska të mbushura me lëng në ose mbi vezore, dhe ato ndahen në dy kategori të përgjithshme. Lloji më i zakonshëm, i quajtur ciste funksionale, formohen si një pjesë normale e ciklit menstrual. Çdo muaj, vezoret tuaja rrisin strukturat e quajtur folikula të cilat përgatiten për të lëshuar një vezë. Nëse një gjëndër nuk hapet të lëshojë një vezë, mund të formohet një kist (cist). Shumë gra mund të kenë këtë lloj kisti çdo muaj; ata zakonisht janë të vogla dhe të padëmshme dhe zhduken vetë brenda dy apo tre cikleve menstruale.

Ju gjithashtu mund të zhvilloni ciste që nuk lidhen me ovulimin. Përgjithësisht këto njihen si ciste neoplastike, dhe shumica janë beninje, pra jo kanceroze. Megjithatë, në raste të rralla, ndonjë prej tyre mund të jetë kanceroz. Një kist mbi vezore ka më shumë gjasa të zhvillojë kancerin nëse keni kaluar tashmë në menopauzë. (Në përgjithësi, rreziku i kancerit të vezoreve rritet me moshën, ndërkohë, rreth 8% e femrave në postmenopauzë zhvillojnë ciste çdo vit.)

Disa simptoma të cisteve mund të jenë jo specifike, por tregojini mjekut tuaj nëse keni përjetuar presion ose dhimbje, ose një ndjenjë ngopjeje edhe pse keni ngrënë në sasi të vogla.

Nëse një cist vazhdon të rritet pas më shumë se gjashtë deri në tetë javë, dhe në vend që të jetë mbushur me lëngje është e mbushur me gjak, sugjerohet të bëni operacion.

Lexo edhe: Si te parandalojme kancerin ovarian?