A mund të fle në shpinë pas lindjes me operacion?

0 0

Gjatë nëntë muajve të shtatzanisë, pozicioni juaj i gjumit ka ndryshuar shumë. Sigurisht, keni muaj që nuk flini me shpinë, ndërsa pozicionin me bark as që e keni çuar në mendje.

Nëse kishit menduar se pas lindjes, do t’i riktheheshit pozicioneve të rehatshme të gjumit, na vjen keq t’ju zhgënjejmë, sidomos nëse keni bërë lindje me operacion cezarian.

Ashtu si në shtatzani, edhe pas lindjes me operacion gjetja e një pozicioni të rehatshëm gjumi është e vështirë.

Duke marrë parasysh që duhet të ngriheni disa herë nga krevati për të plotësuar nevojat e fëmijës suaj, vetë gjumi bëhet një sfidë.

Por nëse keni bërë lindje cezariane, plaga e operacionit e vështirëson shumë qëndrimin e rehatshëm. Pas dy lindjeve të mia me operacion, jam përballur me këtë problem dhe zbulova se pozicioni më i mirë për të fjetur ishte në anë, që lehtësonte dhimbjen.

Nëse flini në anë, sigurohuni të mbani një jastëk poshtë barkut, në mënyrë që plaga të këtë sa më pak presion dhe shpina të këtë mbështetjen e duhur. Barku juaj nuk vjen menjëherë në pozicionin që ka pasur para operacionit. Duhen të paktën gjashtë javë që mitra të kthehet në pozicionin e saj të mëparshëm. Deri atëherë, barkut i duhet mbështetje kur shtriheni anash. Tani që bebi ka dalë, muskujt tuaj abdominalë janë ende të dobët dhe jastëku u jep mbështetjen për të cilën kanë nevojë. Një tjetër avantazh i gjumit në anë është se mund të ngriheni menjëherë pa ushtruar presion mbi plagën e operacionit, kur bebi nis të qajë në mes të natës.

Shumë nëna preferojnë të flenë në shpinë pas lindjes me operacion, por ekspertët nuk e rekomandojnë si zgjedhjen më të mirë, sidomos nëse keni fituar shumë peshë gjatë shtatzanisë dhe barku juaj është ende i madh.

Gjumi në këtë pozicion ushtron presion të panevojshëm në plagë, duke shkaktuar dhimbje horizontale në muskujt abdominalë.

Prandaj është më mirë të prisni 2-3 muaj para se të flini në shpinë.

Lexo edhe: 5 hapa për të shëruar trupin tuaj pas lindjes me operacion




Për të lënë një koment ju duhet të jeni regjistruar Identifikohu



Materiale te ngjashme

Mosmbajtja e urinës pas lindjes,...

Lindja e fëmijës është një përvojë shumë intensive për një grua, plot emocione të forta dhe unike. Por është gjithashtu një ngjarje që, së bashku me shtatzaninë, i ushtrojnë trupit...

Mesazhi i fortë i Fatmës:...

Epoka dixhitale në të cilën jetojmë, ku kryefjala e ditës është Instagrami, e ka bërë jetën në dukje më të bukur, por në thelb më të vështirë. Pa e kuptuar...

Efektet e mëmësisë, dalja e...

Të gjitha ato që e kanë provuar ndjesinë e mëmësisë e dinë shumë mirë sesi ndryshojnë prioritetet dhe gjithë jeta pasi vjen fëmija. E njëjta gjë ka ndodhur edhe me...

Sot është nënë shumë e...

Kristen Bell është një nga nënat më të famshme në internet. Pavarësisht nëse ajo ndan momente prapa skenave që janë jashtëzakonisht të pahijshme apo flet për problemet në martesë, të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X