Në shumicën e rasteve është normale që fëmijët të qajnë pa lot. Kanalet e lotit të foshnjave zhvillohen ende edhe pas lindjes dhe është normale që ata të mos derdhin lot gjatë muajve të parë, thotë pediatria Tanya Remer Altmann.

Shumica e foshnjave fillojnë të qajnë me lot kur janë rreth 2 javësh, por disa mund të zgjasin më shumë. “Zakonisht në kontrollin 2-mujor, lotët janë të pranishëm,” thotë Altmann.

Disa të sapolindur i kanë të bllokuara kanalet e lotëve, që do të thotë se ata mund të prodhojnë lot, por lotët nuk dalin siç duhet. Lotët e grumbulluar mund të krijojnë një shkarkesë të verdhë të zbehtë, të cilën mjeku i fëmijës suaj mund ta trajtojë me pika ose vaj. Mjeku gjithashtu do t’ju udhëzojë sesi të pastroni sytë e fëmijës dhe masazhoni kanalin e lotit, nëse është e nevojshme.

Te foshnjat më të mëdhenj që kanë temperaturë, të qarët pa lot, mund të jetë gjithashtu një shenjë e vonshme e dehidratimit, thotë Altmann. Kjo mund të jetë gjithashtu e vërtetë kur një fëmijë ka të vjella ose diarre. Në këto raste, sigurohuni që fëmija juaj të marrë shumë lëngje.

Shkoni te mjeku nëse nuk mund ta ulni temperaturën e fëmijës ose nëse ai ka shenja të tjera të dehidratimit, si një gojë shumë e thatë ose urinë që duket më e errët dhe me erë më e fortë se zakonisht.

Ndryshimet në kanalet e lotit mund të vazhdojnë deri kur fëmija të mbushë 1 vjeç, nëse jo atëherë mjeku mund të marrë masa.

Në raste shumë të rralla, foshnjat lindin pa gjëndrën që prodhon lot. Edhe në këto raste nevojitet trajtimi nga pediatri okulist.

Lexo edhe: Nuk e kuptoni pse qan femija? Ja cfare shpreh fytyra e tij