Shumë prej nesh kanë një marrëdhënie dashuri-urrejtjeje me sheqerin. Ne e duam ushqimin e ëmbël e na shijon, por shpesh lë gjurmë në shendetin tonë duke shkaktuar ndjesi fryrjeje ose diarre.
Kohët e fundit ka pasur studime që tregojnë se këto dhe të tjera simptoma të pakëndshme mund të jetë rezultat i një alergjie nga sheqeri. Alergjitë e ushqimit janë të zakonshme, por a ekziston alergjia nga sheqeri?
Sipas ekspertëve, alergjitë e vërteta të sheqerit janë shumë të rralla. Shumica e njerëzve që përjetojnë simptoma të sikletshme pas konsumit të gjërave të ëmbla kanë intolerancë të sheqerit.
Cili është ndryshimi midis një alergjie ushqimore dhe një intolerance ushqimore?
“Si alergji ushqimore, sistemi imunitar i trupit, i cili normalisht lufton infeksionet, e sheh një ushqim si një pushtues”, shpjegon Sass. “Kjo çon në një përgjigje imune në të cilën lëshohen kimikate, duke shkaktuar simptoma të tilla si probleme të frymëmarrjes, ngushtësi të fytit dhe ënjtje, zhurmë, kollitje”.
Një intolerancë e ushqimit (që nganjëherë quhet një ndjeshmëri ushqimore, pra nënkuptojnë të njëjtën gjë) do të thotë që trupi juaj nuk mund të tresë siç duhet një ushqim dhe si rezultat irriton sistemin tuaj, shton Sass.
Një lloj i zakonshëm i intolerancës së sheqerit është një ndjeshmëri ndaj karbohidrateve si oligosakaridet fermentuese, disakaridet, monosakaridet dhe poliolët, të cilat janë të grupuara së bashku. Ajo që i bën gjërat edhe më konfuze është se këto sheqerna nuk janë vetëm në ëmbëlsira; ata janë në perime si lakra, brokoli, dhe asparagu.
Një lloj tjetër i intolerancës së sheqerit ka të bëjë me sheqerin natyral që gjendet në qumësht. “Intoleranca e laktozës është gjithashtu një lloj i intolerancës së sheqerit”, thotë Alpert.
Këto nuk janë simptomat e vetme nëse keni intolerancë të sheqerit, ju mund të përjetoni edhe të vjella ose dhimbje koke.
Lexo edhe: Mjalte apo sheqer?
Për të lënë një koment ju duhet të jeni regjistruar Identifikohu