Fëmijët që diagnostifikohen herët me çrregullime të spektrit autik, në pamje të parë duket sikur shërohen teksa rriten. Kjo është veçanërisht e vërtetë për fëmijët që nuk mund të flisnin, të cilët nëpërmjet disa seancave me terapi intensive për të folurën, kanë filluar të flasin rrjedhshëm. Gjithsesi, me metodat dhe teknologjinë e sotme një fëmijë që vuan nga çrregullimi i spektrit autik nuk mund të shërohet. Autizmi është një çrregullim fizik, mendor, social dhe emocional që qëndron për gjithë jetën tek njerëzit.
A mund të shërohet fëmija im?
Kjo është pyetja që shumica e prindërve bëjnë kur mësojnë për herë të parë se femija i tyre vuan nga çrregullimi i spektrit autik. Ata shpresojnë që kjo sëmundje të ketë një kurë të menjëhershme, ndoshta ndonjë lloj antibiotiku. Por nuk është kështu!
Është e vështirë të dëgjosh se fëmija yt është ndryshe dhe se të gjitha planet tuaja për rritjen e fëmijës po ndryshojnë. Por duhet të bëheni të “fortë” në mënyrë që të bëni përshtatjet e duhura për t’i siguruar fëmijës tuaj një kujdes specifik që do ta ndihmojë të ketë një jetë sa më normale.
Ju duhet të gjeni qetësi në faktin se edhe pse një fëmijë me çrregullim të spektrit autik nuk mund të shërohet, ju mund ta ndihmoni atë të përshtatet. Me ndihmën tuaj, të mësuesve dhe terapistëve, fëmija juaj mund të mësojë si të krijojë shoqëri, si të njohë ndjenjat e tij dhe të jetë i përgjegjshëm për veprimet që kryen. Me ndihmën tuaj fëmija juaj mund të rritet për tu bërë një individ i përshtatur mirë me rregullat e shoqërisë dhe me shenja thuajse të padukshme të autizmit.
Në 50 vitet e ardhshme me siguri që do të shfaqen trajtime të mrekullueshme për autizmin. Por fëmija juaj nuk mund të presë aq gjatë. Ndaj ju duhet ta ndihmoni atë që tani, duke e inkurajuar dhe duke u bërë një shembull për të. Rrugëtimi do të jetë i vështirë por me ndihmën tuaj dhe të terapive që janë në dispozicion ditët e sotme, fëmija juaj mund të rritet për të bërë një jetë shumë afër normales.
Lexoni dhe: Autizmi dhe familja e femijes
')}
Për të lënë një koment ju duhet të jeni regjistruar Identifikohu