Rreth një në 30 persona vuajnë nga çrregullimet e ushqyerjes, të cilat shoqërohen me probleme psikologjike si vetëbesimi i ulët, personalitet impulsiv dhe vështirësi në krijimin e marrëdhënieve.

Ju mund të mendoni fëmijët janë shumë të vegjël për t’u prekur nga këto probleme, por sipas mjekëve ka pasur të tilla raste edhe në moshën 7-vjeçare.

Çfarë duhet të dini për çrregullimet me ushqimin tek fëmijët?

Mund të vonojë pubertetin

Një studim i Departamentit të Endokrinologjisë në Qendrën Kombëtare Mjekësore të Fëmijëve në Washington, zbuloi se aftësia e vajzave për të riprodhuar mund të lidhet me sasinë e yndyrës së trupit që ato kanë. Kjo është mënyra e natyrës për të siguruar që shtatzënia të mos ndodhë nëse trupi nuk ka mundësi për rritjen e fetusit. Kështu, nëse fëmija vuan nga anoreksia, përqindja e yndyrës së trupit do të jetë e pakët dhe do të sjellë vonesë të pubertetit.

Përveç humbjes së peshës, mund të ketë simptoma të tjera fizike

Shenjat e zakonshme të një çrregullimi ushqimor përveç humbjes ose shtimit në peshë mund të shkaktojnë lëkurë të thatë, gati të dehidratuar, ngjyrë portokalli në lëkurë ose probleme me thonjtë.

Televizioni dhe mediat sociale mund të ndikojnë

“Ndikimet e medias dhe presioni i bashkëmoshatarëve për t’u dukur elegantë mund të luajnë rol të rëndësishëm në mënyrën e ushqyerjes. Mediat përcjellin mesazhin e gabuar se vetëm personat e dobët janë të preferuar dhe krijojnë modele shumë larg jetës reale”.

Disa mjedise mund të rrisin rrezikun

Thjesht disa komente lidhur me paraqitjen e peshën, ndikojnë në frikën se dikush mund të paragjykohet. Në ambiente të caktuara si për shembull në sporte trajnerët inkurajojnë fëmijët të humbasin peshë etj.

Kjo mund të çojë në vdekje

Çrregullimet e ushqimit janë të lidhura me depresionin dhe një shkallë të lartë të vetëvrasjes. Anoreksia ka shkallën më të lartë të vdekshmërisë, me 6% të rasteve, më e larta nga sëmundjet e tjera psikiatrike.

Nuk ka lidhje vetëm me të ngrënit më pak

Ndërsa çrregullimet e ushqyerjes janë më shpesh të lidhura me sëmundje si anoreksia dhe bulimia, ku pacienti frikësohet nga marrja e peshës, ka njerëz që vuajnë të kundërtën, nuk kanë kontroll mbi sasinë e ushqimit që hanë dhe për çdo problem i drejtohen ushqimit.

Mësojini fëmijëve të jenë në kontroll të ushqimit që hanë

Kujdesuni t’i jepni fëmijës ushqime sa më të shëndetshme, por mos i qortoni për sasinë. Lërini të hanë aq sa duan ata.

Fëmijët nuk e tejkalojnë dot vetë

Mjekët theksojnë se është shumë e rëndësishme që prindërit të jenë të vetëdijshëm se fëmijët nuk janë në gjendje të dalin vetë nga ky çrregullim. Kërkohet ndërhyrje e menjëhershme nga profesionistët.

Prindërit mund të ndihmojnë në parandalimin e çrregullimeve

Nëse praktikoni një stil jetese të shëndetshëm, hani mirë, hani bashkë si familje dhe sasinë e duhur të çdo lënde për të cilën ka nevojë trupi, fëmija do të ketë më pak shanse të preket nga çrregullimet e ushqyerjes.

Lexo edhe: Cfare eshte anoreksia?

Sorry, there are no polls available at the moment.

')}