Kur një çift provon për një fëmijë, një hap i thjeshtë mund të jetë çelësi: Të bëni seks rregullisht. Dhe shumica e çifteve e sjellin shumë shpejt në shtëpi “dhuratën e çmuar”.

Por ka edhe çifte që përballen me probleme të fertilitetit, duke pasur vështirësi në ngjizjen e një shtatzanie. Problemet e fertilitetit mund të shkaktohen nga shumë faktorë duke përfshirë hormonet të cilat prodhohen nga sistemi juaj endokrin.Këta lajmëtarë kimikë që qarkullojnë rreth trupit janë përgjegjës për të siguruar që indet dhe organet funksionojnë si duhet.

Organet dhe gjëndrat e ndryshme rreth trupit prodhojnë hormone të ndryshme, të tilla si: 

Pankreasi prodhon insulinë për të kontrolluar nivelet e sheqerit në gjak. Tiroidet prodhojnë hormone që lidhen me energjinë e trupit dhe nevojat metabolike. Gjithashtu mund të ndikojë edhe cikli menstrual.  Tek femrat vezoret sekretojnë estrogjenin, testosteronin dhe progesteronin.

Tek meshkujt testikujt prodhojnë testosterone dhe spermatozoidët për riprodhim. Trupi funksionon në mënyrë të mirë kur hormonet mbahen në ekuilibër. Konsulenti i Qendrës Kombëtare të Spitalit Kombëtar të grave, Dr. Susan Logan nxjerr në pah disa shenja të një çekuilibri hormonal:

Lodhje kronike

Niveli i progesteronit në trupin tuaj mund të jetë në nivel shumë të ulët dhe kjo ju bën të ndiheni të lodhur gjithë kohës.

Pagjumësia, nxehtësia dhe djersitja e natës

“Një mangësi e estrogjenit mund të shkaktojë djersitje natën dhe ndjenja ankthi, të cilat mund të prishin gjumin”, shprehet Dr Logan.

Puçrra në fytyrë

Është normale që të keni akne. Por aknet e vazhdueshme mund të jenë një shenjë e mbingarkesës së testosteronit. Kjo shkakton që gjëndrat e yndyrës të bëhen më tepër aktive.

Kujtesa e dobët

Mungesa e estrogjenit mund të sjellë kujtesë të dobët dhe probleme me përqëndrimin. Në fakt, Dr Logan vë në dukje, “menopauzë e parakohshme – ku gratë nën 40 vjeç shkojnë në menopauzë, e cila lidhet me një rrezik më të lartë të sëmundjeve mendore”.

Ndryshimet në humor dhe depresioni

Ndryshimet në nivelet e estrogjenit në trup mund t’ju bëjnë të keni probleme me humorin. Kjo është edhe arsyeja pse shumë femra pësojnë nsdryshime gjatë kësaj periudhe.

Diarreja

Dr Logan vëren se kjo mund të shkaktohet nga gjëndrat tiroide tepër aktive, gjë që rrit metabolizmin e trupit tuaj.

Kapsllëk

Nivelet e larta të progesteronit në trup tregon që ju keni probleme me organizmin.

Thatësi vaginale

Nivelet e ulëta të estrogjenit bëjnë që marrëdhënia seksuale të jetë e pakëndshme dhe e dhimbshme.

Si mund ti trajtoni?

Në varësi të mangësisë hormonale që ju keni mjeku mund t’ju këshillojë që t’i nënshtrohesh terapisë së zëvendësimit të hormoneve (HRT). Hormone Replacement Therapy. Për shembull, nëse vuani nga menopauza e hershme ose e parakohshme, mjeku mund t’ju këshillojë HRT derisa të arrini moshën 50 ose 52 vjeç, shkruan dr. Logan.

Por ky trajtim mund të zgjasi në kohë dhe në shumicën e rasteve këto kushte kanë tendencë të jenë kronike në natyrë dhe nuk janë të kthyeshme.Megjithatë, HRT ka rreziqe shëndetësore të tilla si kanceri i gjirit dhe goditja në zemër e cila rritet me gjatësinë e përdorimit.

Lexo edhe: 7 arsyet pse vonohet cikli menstrual

Sorry, there are no polls available at the moment.

')}