Të gjithë përjetojmë ankth dhe stres herë pas here, por kur kjo gjendje zgjat me javë, kur na pengon në zhvillimin e një jetë normale, është mirë të bisedohet me mjekun. Ankthi mund të trajtohet përmes ilaçeve dhe terapive të ndryshme. Përveç gjendjes emocionale dhe mendore, ankthi ndikon edhe në organe e funksione të ndryshme të trupit.

Sistemi nervor

Përbëhet nga truri, palca kurrizore, nerva dhe qeliza të veçanta të quajtura neurone. Stresi i tepërt shkakton prodhimin e hormoneve që përshpejtojnë ritmin e zemrës dhe frymëmarrjen, rrit nivelin e sheqerit në gjak dhe furnizon me shumë gjak krahët dhe këmbët.

Muskujt

Kur jeni të shqetësuar për diçka, muskujt e shpatullave dhe qafës mund të tensionohen dhe kjo shkakton dhimbje koke. Masazhi, frymëmarrja e thellë dhe joga, mund të ndihmojnë.

Frymëmarrja

Nëse jeni shumë të shqetësuar, mund të merrni frymë më thellë ose më shpesh pa e kuptuar. Nëse keni probleme të frymëmarrjes të lidhura me astmën, sëmundjen e mushkërive ose sëmundje të tjera, kjo mund të përbëjë rrezik.

Zemra

Stresi ju bën më të prirur të keni presion të lartë të gjakut, infarkt në zemër ose goditje në tru. Nivelet e të larta të ankthit mund të bëjnë zemrën të pompojë më shpejt. Nëse kjo ndodh pa pushim, muret arteriale ngurtësohen, rritet kolesteroli e një sërë problemesh të tjera.

Sheqeri në gjak

Stresi rrit nivelin e sheqerit në gjak. Trupi juaj zakonisht e ruan atë për t’a përdorur më vonë. Por ndonjëherë, nëse jeni mbipeshë ose keni diabet, sheqeri mund të qëndrojë shumë gjatë, duke shkaktuar sëmundje të zemrës ose të veshkave.

Sistemi imunitar

Nëse trupi juaj ndikohet nga efektet fizike të shqetësimit, nuk mund të luftojë as mikrobet. Stresi që ju shkaktojnë mendimet, ka kosto shëndetësore. Kjo mund ta bëjë më të vështirë të shmangni gripin, herpesin dhe viruset e tjera.

Stomaku

Kur jeni nervoz mund të ndieni edhe dhimbje stomaku, nëse kjo ndodh shpesh, problemet mund të agravojnë edhe në ulçer. Nëse hani ushqime me sasi të lartë yndyre dhe sheqeri, stomaku duhet të punojë më shumë për t’i tretur ato, duke rritur aciditetin.

Jeta seksuale

Shqetësimet mund t’ju marrin gjithë vëmendjen dhe të jeni më pak të interesuar për seks. Nëse ndodh për një kohë të gjatë, mund të ulë nivelet e hormoneve seksuale.

Lexo edhe: Ankthi dhe paniku, arsyet dhe menyrat e trajtimit

Sorry, there are no polls available at the moment.

')}