Pesha e fëmijës? Pse fëmija im është nën peshë? Kush janë ushqimet që ndihmojnë në shtimin e peshës së fëmijës? Këto janë disa nga pyetjet e shumta që trajtohen çdo ditë, në tryeza të ndryshme apo edhe në ambiente virtuale, forume, nga prindër të shumtë.

Dhe në të vertet, një nga detyrat më sfiduese të nënave është të zgjedhin dietën e vogëlushëve të tyre. Kjo detyrë bëhet edhe më e vështirë për faktin se shumica e ushqimeve të bebeve duhet të jetë në trajtën e puresë ose në gjendje lëngu.

Sistemi imunitar i bebit varet plotësisht nga shtimi i peshës. Pra duke e ndihmuar bebin që të shtojë peshë me ritmet e duhura ju po siguroheni që ai të jetë i shëndetshëm. Por nëse ju duket se bebi juaj nuk po shton peshë mjaftueshëm këtu janë disa ushqime që do t’i japin atij shtysën e nevojshme.

1. Qumështi i shëndetshëm i gjirit

Qumështi i gjirit është e vetmja mënyrë për të shtuar peshën e bebeve 6 muajt e parë të jetës. Asnjë ushqim tjetër nuk është më i shëndetshëm, i pasur me vlera ushqyese dhe më i balancuar se qumështi i gjirit. Ndaj për të paktën 6 muaj duhet ta ushqeni bebin tuaj me qumësht gjiri.

2. Bananet

Bananet janë një burim fantastik kaliumi, fibrash dhe karbohidratesh. Më shumë se 100 kalori mund të përfitohen nga 1 banane e vetme. Konsumimi i bananes do ta furnizojë bebin me energji dhe do ta ndihmojë atë të shtojë peshë.

3. Kosi

Një nga ushqimet më të mira për të ndihmuar vogëlushin tuaj të shtojë peshë është kosi i cili është i pasur me kalçium, vitamina dhe minerale. Kosi do të sigurojë dhe sasinë e duhur të yndyrës që i nevojitet bebit për të shtuar peshë.

4. Thjerrëzat

Thjerrëzat janë të pasura me kalori dhe proteina të cilat do ta ndihmojnë bebin tuaj të shtojë peshë. Ato gjithashtu janë të pasura me fibra, hekur, kalium, kalçium dhe acide yndyrore të shëndetshme.

5. Patatet

Patatet janë një burim i mirë karbohidratesh të cilat ndihmojnë në shtimin e shpejtë të peshës. Duke qënë se patatja mund të prezantohet shumë herët në dietën e bebit, ajo luan një rol të rëndësishëm në zhvillimin e tij.

Lexoni dhe : Kur fillon shtimi ne peshe dhe sa peshe duhet te shtoje nje bebe?
')}