Me temperaturat që vazhdojnë të jenë të ulëta këtë fillim viti, vogëlushi juaj ka nevojë për diçka që të forcojë sistemin e tij imunitar, dhe kjo pure do të bëjë pikërisht këtë gjë.

Kjo pure e shijshme është e mbushur me mollë, karrota dhe portokalle që do të mund ta mbajnë vogëlushin tuaj të shëndetshëm gjatë gjithë  dimrit. Por ajo që e bënë të veçantë këtë pure janë erëzat, xhinxheri dhe shafrani. Xhinxheri është i njohur për vetitë e tij medicinale dhe për forcimin e sistemit imunitar, ndërsa shafrani është një tjetër erëz që ofron shumë përfitime shëndetësore. Shafrani përmban një përbërës të quajtur kurkumin i cili krijon disa proteina që janë jetësore për shëndetin tuaj e sidomos për forcimin e sistemit imunitar.

⦁ 4 karrota mesatare;
⦁ 4 mollë;
⦁ ½ portokalle;
⦁ 1 lugë çaj xhinxher të grirë;
⦁ ½ lugë çaj shafran.

1. Si fillim qëroni dhe më pas prisni në copa të vogla mollët dhe karrotat.
2. Pastaj i piqni së bashku në avull ose i zieni për 12 minuta derisa të zbuten.
3. Lërini të ftohen e më pas i kaloni në një blender.
4. Shtrydhni lëngun e ½ portokalli e më pas i shtoni erëzat.
5. I bëni pure për 60 deri në 90 sekonda dhe më pas ja shërbeni vogëlushit tuaj.

E përshtatshme për bebe +7 muajsh.
Koha e përgatitjes është 15 minuta.
Ruhet në mbajtëse hermetike për 3 ditë në frigorifer ose për 3 muaj në ngrirje.

Lexoni dhe: Recete gatimi per bebe (pure me panxhar, banane dhe boronica)