Bebet janë një gëzim shumë i madh, dhe është shumë e  lehtë për t’i dashuruar ata. Natyra i ka bërë ata aq të lezetshëm sa që janë të parezistueshëm. Kjo i ndihmon prindërit e rinj të mos  marrin parasysh zgjimin në orët e vona të natës, kujdesin për nevojat e tyre imediate dhe pastrimin e pelenave të tyre.

Por deri ku shkojnë  nevojat e një bebi?

Problemet e vërteta fillojnë pasi ata rriten pak pasi përveçse të kujdeseni për nevojat e tyre duhet dhe t’i mësoni e t’i udhëhiqni në rrugën e duhur të jetës.
Këtu janë disa rregulla kyç që duhet t’i ndiqni në kohën kur fëmija juaj fillon të shkojë në parashkollor.

Kaloni kohë me fëmijën tuaj

Një gjë që nuk duhet t’ja mohoni kurrë fëmijës tuaj është koha juaj. Ju duhet të luani me të, të flisni e ta dëgjoni atë. Fëmijët kanë nevojë për vëmendje, komunikim dhe stimulim.

Lexojini fëmijës tuaj

Lojërat, ngrënia dhe bisedat se bashku janë mirë, por nuk mjaftojnë! Që në moshë të hershme ju duhet të uleni dhe të lexoni me fëmijën tuaj. Leximi ndihmon në zhvillimin e tij gjuhësor, dhe rrit inteligjencen, madje ju po ndihmoni fëmijën tuaj të krijojë një dashuri për librat.

Vendosini rregulla

Shumë prindër i llastojnë fëmijët e tyre duke i mundësuar gjithçka  që ata kërkojnë. Fëmijët kanë nevojë për udhëheqje për të kuptuar ndryshimin mes të drejtës dhe të gabuarës, të sigurtës e të rrezikshmes, kështu që ju duhet t’i drejtoni ata me kujdes. Vendosni rregulla dhe kufizime që fëmija juaj t’i zbatojë dhe mundohuni t’ja shpjegoni në mënyrë që ai ti kuptojë ato.

Jepni një shembull të mirë

Fëmijët mësojnë nga ata që kanë rreth tyre dhe sidomos nga prindërit. Nëse ju e lini shtëpinë rrëmujë,  qëlloni qenin apo ofendoni dikë, ai do t’i përsërisë të gjitha veprimet tuaja. Mësojini ata të sillen mirë jo vetëm nëpërmjet fjalëve por edhe nëpërmjet veprave.

Inkurajoni një stil jetese të shëndetshëm

Shumë nga adoleshentët  që sot janë obez kanë filluar të shtojnë peshë që në moshë të vogël si pasojë e zakoneve të këqija në ushqyerje. Për ta shmangur këtë gjë, jepini fëmijës tuaj fruta, perime dhe pije pa sheqer sepse nëse ai mësohet me to që në fëmijëri atëherë do të vazhdojë të ushqehet në këtë mënyrë edhe kur të rritet.

 

Lexoni dhe:Ja si te rrisni femije te lumtur edhe nese nuk keni nje ekonomi te mire 

Sorry, there are no polls available at the moment.

')}