Prindërimi është një punë me kohë të plotë, por nuk duhet të neglizhoni veten dhe mirëqenien tuaj fizike, psikologjike dhe emocionale.

Disa këshilla si të jeni prindër të lumtur

1) Mos u tregoni e ashpër me veten

Ky është një kurth në të cilin bien shumë prindër. Duke pasur një ide të qartë se çfarë duhet të bëjë një prind dhe çfarë jo, shpesh tregoheni të ashpër me veten në përpjekje për të qenë prindi perfekt. Në fakt perfeksioni nuk ekziston dhe është normale edhe të bësh gabime, nga të cilat më pas mësohet.

2) Mos i impononi pikat e forta të fëmijës

Duke qenë prind, ju gjithmonë besoni se e dini ç’është më e mira për fëmijët. Por lërini ata të eksplorojnë vetë e ta njohin veten me pikat e tyre të forta, talentet, dëshirat, pikat e dobëta etj.

3) Shmangni panikun në rastin e vendimmarrjeve të gabuara

Kur një vendim që keni marrë nuk ka dhënë rezultatet e pritshme, është e natyrshme të ndiheni në faj. Por, duhet të shmangni panikun, ndjenjat e frikës dhe reagimet impulsive.

4) Lejoni që fëmija juaj të dështojë

Prindërit duhet t’i japin mundësinë fëmijës të dështojë, sepse kjo do t’i çojë drejt suksesit. Nëse i privoni nga dështimet, do t’i privoni nga mundësia e të mësuarit dhe të fituarit rezistencë.

5) Mos u stresoni për ritmin e zhvillimit të fëmijës

Secili fëmijë ka ritmin e tij të zhvillimit, prandaj nuk është mirë të bëni krahasime e të stresoheni. Nëse mendoni se diçka nuk shkon, konsultohuni me mjekun.

6) Mos e lini pas dore bashkëshortin tuaj

Prindërit vërtet nuk duhet të lënë pas dore detyrat e tyre ndaj fëmijëve, por nuk duhet të anashkalojnë as përgjegjësitë si partnerë. Gjithmonë gjeni kohë për tu argëtuar dhe për t’i treguar dashuri njëri-tjetrit.

7) Respektoni oraret e fëmijës

Përpiquni të repsektoni oraret e fëmijëve dhe gjatë fundjavës, të mos keni shumë ndryshime,sepse kjo do të sjellë çekuilibër të funskionimit të organizmit.

8) Mos i dëgjoni verbërisht këshillat e të tjerëve

Shpesh njerëzit e tjerë mund t’ju ngatërrojnë me eksperiencat e tyre dhe të imponojnë mendimin e tyre tek ju. Mos i dëgjoni verbërisht për gjithçka që ju thonë.

9) Mos e izoloni veten

Mbani kontakte me miqtë, me nëna të tjera, lexoni, merrni pesë në forume në rrjete sociale sepse mund të gjeni shumë ndihmë aty.

10) Shkëputuni pak, pa u ndjerë në faj

Mos lejoni që ndjenja e fajit për të mos u shkëputur asnjë çast nga fëmijët, t’ju bëjë të hiqni dorë nga vetja. Jepini kohë vetes të shkëputeni, të dilni,të kujdeseni për gjërat tuaja, sepse kështu rifitoni energji të reja.

Lexo edhe: 5 arsye perse kemi nevoje te shkeputemi nga rutina

Sorry, there are no polls available at the moment.

')}