Kur vjen puna tek socializimi i fëmijës do të ishte shumë e domosdoshme që edhe prindërit të ishin tepër social. Bazat e para të krijimit të marrëdhënieve të mira me të tjerët fëmija i merr në shtëpi, dhe ndër hapat e parë do të konsiderohet përdorimi i fjalës “faleminderit” si edhe komunikimi i shpeshtë. Më pas ai do të jetë në gjendje të praktikojë atë që ka mësuar edhe me shokët e tij.

Rregullat më të mira për të favorizuar socializimin e fëmijës

• Mbani nën vëzhgim fëmijën në mënyrë që sjelljet negative të mos përforcohen qoftë edhe aksidentalisht;
• Luani me një prind tjetër që ka fëmijë. Kjo do ta ndihmojë fëmijë të pranojë idetë e reja si një pjesë e natyrshme e ndërveprimit shoqëror;
• Inkurajoni frymën luftuese të fëmijës pa inkurajuar sjellje që mund të dëmtojnë shoqërinë;
• Mësoni fëmijën tuaj të mos thotë “jo” për idetë e tjetrit. Në vend të kësaj ata mund të propozojnë se çfarë mund të shtojnë tjetër në lidhje me lojën;
• Shkoni herët në një aktivitet ku do të merrni pjesë. Kjo do të ndihmojë që fëmija më mos trembet, të njihet me ambientin dhe për pasojë të ndihet më i aftë për t’u bashkuar me fëmijët që do të vijnë më pas;
• E inkurajoni fëmijën tuaj të shprehë i pari atë që ka për të thënë pa u ndrojtur. Kështu ai do të mësojë të shprehë më mirë mendimet e veta në publik;
• Fëmija juaj duhet të mësojë të ndajë gjërat me të tjerët;
• Nëse fëmija është duke shkuar për herë të parë në kopësht apo shkollë duhet të kuptoni shqetësimet e tij dhe të përpiqeni ta familjarizoni sa më shumë të jetë e mundur me vendin ku do të qëndrojë;
• I tregoni se në shkollë duhet të dëgjojë dhe respektojë edhe mësuesit pa harruar të jetë gjithmonë vetvetja;
• Fëmija juaj duhet të mësojë të përdorë fjalët “të lutem” dhe “faleminderit”, të dijë të reagojë me qetësi ndaj dështimeve dhe stresit, të jetë në përputhje me rregullat etj.

Lexoni dhe:Si te rrisim vetebesimin tek femijet? 

')}