Bebet mund të thithin më shumë pluhura kur zvarriten në dysheme! Një studim i ri i zhvilluar nga “Environmental Science & Technology” ka zbuluar se bebet që zvarriten në dyshemenë e shtëpisë thithin 4 herë më shumë pluhur, baktere dhe polem se të rriturit. Për të mos vënë në rrezik bebet gjatë këtij studimi, skuadra e shkencëtarëve ka përdorur disa robotë për të kopjuar lëvizjet që bëjnë bebet kur zvarriten në dysheme.

Pse zvarriten bebet?

Fëmijët janë të vetmit gjitarë që ju duhen disa muaj për të mësuar se si të ecin. Disa shkencëtarë mendojnë se dikur bebeve nuk u është dashur të zvarriten, por nisën të vepronin kështu në momentin që njerëzit filluan të jetonin në shtëpi me dysheme prej druri. Pra sipas tyre zvarritja është pasojë e evolucionit njerëzor.

Përse bebet thithin kaq shumë pluhur?

“Bebet janë si një fshesë elektrike (fshesë korrenti) për pluhurin dhe bakteret. Pasi ndryshe nga të rriturit që marrin frymë me hundë dhe e filtrojnë ajrin që thithin, bebet marrin frymë me gojë, gjë që lejon pluhurin dhe bakteret të kalojnë pa asnjë pengesë në rrugët e tyre të frymëmarrjes dhe të përfundojnë në rajone të thella të mushkrisë së tyre”, tha bashkautori i studimit, Brandon Boor nga Purdeu University.

Por ka dhe nje lajm të mirë

Kjo gjë nuk është domosdoshmërisht një lajm i keq, pasi shumë studime kanë zbuluar se ekspozimi ndaj mikrobeve të ndryshme me një përqëndrim të lartë, mund të ulë rrezikun e prekjes nga astma më vonë, gjatë jetës. Ekspozime të tilla e stimulojnë sistemin imunitar, ndaj së fundmi ekspertët kanë filluar të inkurajojnë prindërit që të mos sterilizojnë gjithçka që bebi do të jetë në kontakt, pasi pak pluhur mund të ndikojë për mirë.

Lexoni dhe: Keshilla si te luftoni mikrobet per te mbajtur nje mjedis familjar te paster dhe te shendetshem 

')}