Sipas Organizatës Botërore të Shëndetësisë, çdo vit hipertensioni shkakton 7.5 milionë vdekje në mbarë botën. Megjithatë, ekziston një zbulim i ri kundër hipertensionit, që mund të çojë në zhvillimin e barnave që mund të ulin dhe kontrollojnë presionin e gjakut.
Si funksionon?
Zbulimi është i Universitetit Kombëtar të Singaporit që ka identifikuar galektin-1, një proteinë që mund të ndikojë në funksionimin e një proteine të tipit-L të kanalit të kalciumit që zakonisht vepron për të kontraktuar enët e gjakut. Duke zvogëluar aktivitetin e këtyre kanaleve, galektin-1 çon në uljen e presionit të lartë të gjakut.
Nota të ndryshme
Presioni i lartë të gjakut mund të ketë shkallë të ndryshme dhe në qoftë se për pacientët me fazën 1 të hipertensionit është veçanërisht e rëndësishme të ndryshojnë stilin e jetës për të zvogëluar rrezikun e sëmundjeve kardiovaskulare, ata me fazën 2 ose më lart, duhet të marrin ilaçe. Bllokimi i kanaleve të kalciumit përdoret tradicionalisht kundër presionit të lartë të gjakut, por përdorimi i tyre shoqërohet me një rrezik më të lartë të mosfunksionimit të zemrës.
Stili i jetesës
Megjithatë, rregulli i përbashkët për të gjithë është që të ndjekin një stil jetese të shëndetshme, ku përfshihet dieta, reduktimi i kripës dhe kafes, ndërprerja e duhanit, reduktimi ose eliminimi i alkoolit, aktiviteti i rregullt fizik.
Ta dini!
Çrregullime të tilla si, marramendje, dhimbje koke, nervozizëm, lodhje, gumëzhimë dhe çrregullime të tjera mund të jenë shenjë e hipertensionit.
Lexo edhe: Hipertensioni, 1 ne 3 persona te prekur dhe shumica nuk e dine
Për të lënë një koment ju duhet të jeni regjistruar Identifikohu