Abuzimi që bëjmëçdo ditë në lidhje me kukullat që u lejojmë fëmijëve të shikojnë në televizor ndikon në ngadalësimin e zhvillimit të kockave të tij. Sipas një studimi të kryer në Universitetin “Perth” të Australisë, qëndrimi për më shumë se 1-2 orëve para televizorit nuk lejon një zhvillim të mirë të kockave të fëmijës dhe kjo do të ndihet duke filluar që nga adoleshenca. Kjo paraqet një rrezik që fëmija të pësojë fraktura në këmbë dhe krahë. Sipas ekspertëve fëmijët që kishin parë shumë televizor në vitet e para të jetës kishin një mungesë të theksuar të mineraleve në kockat e tyre.

Si duhet të veprojnë prindërit?

Për të evituar shfaqjen e një problemi të tillë duhet të përpiqeni të evitoni sa më shumë të jetë e mundur televizorin tek fëmijët nën moshën 3 vjeçare. Ata nuk duhet të qëndrojnë para televizorit ndërsa hanë ushqim apo para se të shkojnë për të fjetur gjumë. Kjo do të ndikojë negativisht edhe në cilësinë e gjumit të natës, ai do të flejë më me vonesë dhe do të shikojë më shumëëndrra të këqija. Momenti i duhur është pasditja e vonë para se fëmija të hajë ushqim. Ju duhet t’i vendosni fëmijës një program të caktuar dhe në momentin që ai përfundon të fikni televizorin.

Favorizoni sa më shumë lojërat në ajër të pastër!