Në veçanti mungesa e kësaj vitamine mund të favorizojë zhvillimin e çrregullimeve të lëkurës.
Proteina antimikrobike
Pas ushqyerjes së dy grupeve të minjve me dy lloje të ndryshme të dietave, një grup me dietë normale dhe një grup me një dietë që kishte sasi të ulët të vitaminës A, hulumtuesit nga Universiteti i Teksas dhe ai i Qendrës Mjekësore Jugperëndimore në Dallas (SHBA) zbuluan se nga ekspozimi i ‘epidermës së kafshëve me patogjenë të ndryshëm, qelizat e lëkurës të minjve që konsumonin një dietë normale lëshuan një proteinë – RELMa – e cila vepronte si antimikrobik dhe vriste bakteret. Minjtë që ushqeheshin me një dietë që kishte mungesa të vitaminës A, nga ana tjetër, nuk ishin në gjendje të prodhonin proteina, ishin më të ndjeshëm ndaj infeksioneve dhe mbartnin shumë lloje të tjera bakteriesh në lëkurën e tyre.
Ushqimi ndikon në mbrojtjen e lëkurës
Lora Hooper, drejtuesja e studimit shpjegon: “RELMa është shembulli i parë i një proteine antimikrobike që kërkon konsumimin e vitaminës A për të kryer aktivitetin e saj kundër baktereve të dëmshme. Zbulimi ynë ofron një çelës të rëndësishëm për mënyrën se si lëkura mbron veten nga infeksionet dhe se si mbrojtja e lëkurës sigurohet përmes dietës”.
Një substancë multifunksionale
Vitamina A është e mirënjohur para së gjithash për rolin thelbësor që luan për sytë tanë: është pjesë e komponentëve të “rhodopsines”, pigment përgjegjës për shikimin. Shumë studime kanë theksuar gjithashtu domosdoshmërinë e pranisë së saj për imunitetin, ku sipas disa hulumtimeve të tjera Vitamina A luan rol kundër disa kancereve. Kjo vitaminë është gjithashtu e dobishme për rritjen e dhëmbëve dhe zhvillimin e kockave të shëndetshme.
Për të lënë një koment ju duhet të jeni regjistruar Identifikohu