Virozat tek femijet, si t’i parandalojme dhe trajtojme

0 0

Në këto ditë të ftohta, ku temperaturat janë gjithnjë e më shumë në rënie, mund të themi se kemi hyrë ne qendër të virozave dimërore. Temperatura, kolla janë dy nga simptomat më të shpeshta dhe problematike të virozave që janë duke u përhapur në vendin tonë.
Sa të rrezikuar janë fëmijët për t’u prekur nga virozat e stinës?
Në këtë periudhë është vënë re një rritje e rasteve të fëmijëve që kanë shfaqur probleme me infeksionet e rrugëve të frymëmarrjes, ose të quajtura ndryshe edhe rrufa. Infeksionet mund të prekin rrugët e sipërme si edhe ato të poshtme dhe më të rrezikuar janë fëmijët nga mosha 0-4 vjeç, sistemi imunitar i të cilëve nuk është maturuar në mënyrën e duhur. Më të rrezikshme këto viroza i bën frekuentimi i kopështeve dhe çerdheve, brenda së cilave viruset e kanë më të lehtë të përhapen. Për këtë arsye do t’ju këshillonim që gjatë periudhave kulminante të përhapjes së virozave të mbanit fëmijët në ambientet e shtëpisë siç ka lajmeruar edhe Ministria e Shëndetësisë.
Cilat janë simptomat e para që shfaqen tek fëmija?
Sekrecionet nga hundët, temperatura e lartë si edhe kolla apo mungesa e oreksit janë simptomat e para që tregojnë prezencën e një problemi të tillë tek fëmija. Gjithashtu fëmija mund të zhvillojë episode diarreje, këputje, të vjella, dhimbje gjoksi, vështirësi në frymëmarrje, gjendje gjumi ose irritim.
Përdorimi i medikamenteve
Infeksionet virale në përgjithësi luftohen me anën e paracetamolit dhe ibubrofenit, të cilët jepen nëse temperatura shkon 38.5 përpiquni të kufizoni dhënien e këtyre medikamenteve nëse temperatura është më e ulët. Gjithashtu ato do të reduktojnë edhe dhimbjet që fëmija mund të ndiejë në trup. Gjithashtu këshillohet përdorimi i solucioneve fiziologjike me pika për hundën, lëngjet e ngrohta të cilat ndihmojnë në shkrirjen e sekrecioneve, lëngjet e frutave të shtrydhura ku na duhet të veçojmë ato të agrumeve, konsumimi i drithërave integrale të cilat i japin trupit vitamina si edhe mbajnë aktive antikorpet.
Higjiena dhe ambienti
Duart duhet të lahen shpesh me ujë dhe sapun. Gjithashtu duhet të keni kujdes që temperatura e ambientit të jetë në vlerat normale kjo pasi ajri i ftohtë e bën sistemin e frymëmarrjes së fëmijës të jetë më i dobët dhe për pasojë më pak rezistent ndaj viruseve dhe bakterieve. Duhet të vendosni gjithmonë shall në gojën e fëmijës sidomos gjatë orëve më të ftohta të ditës. Gjithashtu edhe përdorimi i dorezave dhe kapucit është shumë i domosdoshëm për të mbajtur normale temperaturën në ekstremitetet e trupit. Temperatura e ambienteve të shtëpisë duhet të jetë midis 18 dhe 20 gradëve.

Lexo edhe: Pese menyra per te trajtuar gripin dhe rrufen



Për të lënë një koment ju duhet të jeni regjistruar Identifikohu



Materiale te ngjashme

T’i lëmë fëmijët të qajnë...

T'i lëmë fëmijët të qajnë, nga disa ditë deri në 18 muaj të jetës, duke bërë që ata të ndalen vetë, dhe për këtë arsye të vetë-ngushëllohen, ose të vrapojnë...

Vdes fëmija 4-vjeçar, bie në...

Një 4 vjeçar nga komuniteti rom ka humbur jetën pasi ka rënë në kontakt me korentin, teksa ishte duke luajtur në lulishten e pedonales së re në qytetin e Beratit....

Romë, thyhet kangjella në park:...

Djali 8-vjeçar që ra në një park në Romë është aktualisht në gjendje kome. Kangjella në hyrje të fushës së betonit të Parkut Papaci në Grottarossa në fakt u shkëput...

Vaksina e fruthit mbron fëmijët...

Fëmijët tanë mund të jenë më pak të rrezikuar nga koronavirusi i ri Sars-Cov-2, shkaku i infeksionit Covid-19, sepse ata mbrohen nga vaksina e fruthit. Kjo është hipoteza e Antonio...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X