Cila është veshja më e përshtatshme për momentin e lindjes dhe pas saj? Edhe pse emocionet janë të mëdha, të tilla do të jenë edhe dyshimet, frika, ankthi se mos nuk jeni pëgatitur në mënyrën e duhur në lidhje me ditën më të rëndësishme të jetës tuaj. Përgatitja e valixhes kërkon një informacion të caktuar në lidhje me sendet e nevojshme, një prej të cilave është edhe këmisha e natës, pra ajo që do të vishet nga ju në momentin e lindjes dhe pas saj.

Si të zgjedhim këmishën e duhur?

Para së gjithash na duhet ta specifikojmë se ajo duhet të jetë një këmishë, dhe jo pizhama.

• Këmisha duhet të jetë shumë e rehatshme, duke qënë se proçesi i lindjes mund të zgjasë edhe 15 orë, pra parehatia e saj do të ishte e tepërt. Materiali ideal është pambuku. Duke qënë se ajo do të bëhet shumë shpejt pis do t’ju këshillonim të mos blinit këmisha shumë të kushtueshme.
• Pas lindjes janë të nevojshme 4-5 këmisha dhe të gjitha duhet të jenë me butona para që të krijojnë një hapje shumë të mirë në pjesën e gjoksit. Materiali duhet të jetë i tillë që t’ju mbajë freskët. Materiali duhet të zgjidhet në varësi të stinës në të cilën ndodheni, pra temperaturave. Nëse është dimër do të ishte mirë një këmishë fanellate, ndërsa në verë një pambuk shumë i hollë.

Ajo duhet të jetë këmishë dhe jo pizhama për dy arsye, e para sepse mund të keni prerje dhe qepje në zonën vaginale, e cila nuk duhet të preket nga pizhamat, e dyta sepse me shumë mundësi do të keni të vendosur një kateter dhe për pasojë në zonën vaginale duhet të mos krijohen pengesa. E njëjta gjë edhe për lindjen me operacion

Lexoni edhe: Si te vishemi gjate shtatzanise?