Cfarë është verdhëza?

Verdhëza është një shqetësim që shfaqet tek i porsalinduri. Ajo shoqërohet me ngjyrën e verdhë të lëkurës dhe mukozave të dukshme si për shembull të gojës, e cila shkaktohet nga bilirubina e cila akumulohet mbi vlerat normale, si edhe shfaqja e sklerave në sy.

Cilat janë shkaqet e verdhëzës?

Verdhëza shfaqet kur:

• Sasia e qelizave të kuqe shkatërrohet shumë shpejt, duke lëshuar kështu bilirubinë;
• Mëlçia ka ndonjë patologji dhe nuk ka mundësi të nxjerrë bilirubinën me anën e bilës;
• Vihet re ndërprerje e kanaleve biliare, gjendje e cila shkaktohet nga prania e cistiteve.

Cfarë është verdhëza fiziologjike?

Ky është një shqetësim shumë i përhapur tek të porsalindurit, dhe prek fëmijët prematurë në rreth 80% të rasteve. Verdhëza fiziologjike shfaqet kryesisht në ditën e dytë pas lindjes, dhe në raste më të rralla në ditën e 3-të dhe të 4-t, për t’u zhdukur në ditën e 8-të dhe në ditën e 14-të për fëmijët prematurë.

Kur bëhet e rrezikshme?

Verdhëza bëhet e rrezikshme kur bilirubina arrin në tru, gjendje e cila shkakton dëme të mëdha.

Trajtimi

Për të parandaluar dëmet që mund të shkaktojë verdhëza, fëmija i nënshtrohet një trajtimi me fototerapi, e cila me anën e përdorimit të një drite blu me spektër të lartë shkatërron bilirubinën duke e kthyer në një formë jo toksike. I porsalinduri i nënshtrohet kësaj terapie në një kohë preçize deri në zhdukjen e verdhëzës.

Lexoni edhe: Verdheza dhe gjidhenia