Ky është një moment i vështirë për fëmijën që ndien dhimbje apo ka temperaturë, si edhe për nënën e cila duhet të gjejë një mënyrë për të qetësuar fëmijën, dhe nisur nga kjo ju këshillojmë të veproni si më poshtë:
 Gjidhënia. Kjo do ta qetësojë së tepërmi fëmijën pasi është vaksinuar duke qënë se ai do të ndiejë më pak dhimbje. E vendosni në gji sa herë ta shikoni të arsyeshme.
 Po kur nuk ushqejmë me gji? Në këtë rast nëna mund t’i japë fëmijës një sasi të vogël paracetamoli (1-2 ml) me anën e një shiringe si edhe t’i vendosë çuçon. Nëse fëmija ka temperaturë të lartë doza e shurupit duhet të jepet në varësi të peshës.
 Fëmijët mbi 18 muajsh. Nëse fëmija është në këtë moshë duhet ta bëni të ndiejë sa më pak dhimbje në momentin e vaksinimit duke e mbajtur ulur tek prehri juaj, me fytyrë nga ju dhe duke i shpjeguar se do të ndiejë një pickim të vogël në këmbë.
 Kontrolloni temperaturën. Duhet t’i jepni paracetamol vetëm nëse ajo shfaqet mbi 38 gradë. I jepni gjithashtu edhe lëngje sa më shumë për të siguruar një hidratim të mirë. Temperatura mund të zgjasë 2 ditë.
 Medikamentet. Ju mund të përdorni paracetamol ose ibubrofen, gjithmonë në varësi të moshës dhe peshës së fëmijës.
 Kur duhet të shkojmë tek mjeku? Duhet të shkoni me urgjencë tek mjeku nëse temperatura shkon 40 gradë e sipër, nëse fëmija qan në mënyrë të pangushëllueshme, shfaqet një ndryshim në ngjyrën e lëkurës, nëse fëmija shfaqet shumë i përgjumur, nëse shfaqen dridhje në trup (konvulsione) apo probleme të tjera të pazakonta edhe gjatë ditëve në vazhdim.

Lexo dhe: A i dëmton dhëmbët gjidhënia?