A është ende e mundur, në vitin 2018, që pneumonia të shkaktojë vdekje? Me sa duket po. Kjo ndodhi në Bari, ku viktima, një fëmijë 6 vjeç, vdiq në Spitalin Pediatrik Giovanni XXIII të Barit. Fëmija u shtrua në spital për pneumoni, dhe askush nuk do të priste se në vendin ku kërkonte kujdes, ai do të gjente vdekjen.
Faktet
Anëtarët e familjes menjëherë paraqitën një ankesë, dhe për rastin u hap një hetim me qëllim përcaktimin e shkaqeve të vdekjes.
Më 20 tetor fëmija u shtrua menjëherë në spital, për herë të dytë. Në spital ai u diagnostikua me pneumoni, për të cilën ishte e nevojshme t’i nënshtrohej disa terapive antibiotike.
Pas shtrimit në departamentin e sëmundjeve infektive, fëmija u transferua në departamentin e kirurgjisë, ku do të duhej t’i nënshtrohej një operacioni që synonte tharjen e lëngut të mushkërive. Por foshnja nuk kishte më kohë: në fazën para operacionit pati tre atake kardiake që shkaktuan vdekjen e tij.
Tani Prokuroria Publike e Barit ka hapur një hetim: sipas prindërve, arsyeja e vdekjes mund të ketë qenë një vonesë në diagnozën dhe rrjedhimisht administrimin e trajtimit të nevojshëm.
Lexo edhe: Vdes vogelushja 8 diteshe nga nje puthje
Për të lënë një koment ju duhet të jeni regjistruar Identifikohu