Sipas  American Academy of Pediatrics (2017-2018), nuk është asnjëherë herët për të vaksinuar fëmijët ndaj gripit. Vera ka përfunduar dhe tashmë jemi në vjeshtë, pra jemi në fillimet e sezonit të gripit dhe virozave. Ata theksojnë se prindërit duhet të fillojnë të mendojnë në lidhje me vaksinimin e fëmijës.
Duke qënë se periudha kur mund të shfaqen virozat është e paparashikueshme, do të ishte mirë që fëmijët të ishin të imunizuar nga muaji i 6 i jetës dhe deri në një moshë më të madhe. Sipas tyre, kjo gjë do të parandalojë përhapjen e virozave në grupe të mëdha, pra nuk do të arrihet piku, duke i mbajtur nën kontroll deri në stinën e pranverës me anën e vaksinave. Ekspertët tregojnë se është e rëndësishme që fëmijët të jenë të vaksinuar brenda tetorit, duke përfshirë këtu edhe ata fëmijë që kanë nevojë të marrin dy doza për ta bërë imunizimin e plotë. Këshillohet që vaksina e gripit të bëhet vetëm me injektim dhe jo me sprai (në disa vende të botës është e mundur edhe kjo. Duke qënë se pernenat.al e ndjekin edhe nëna nga vende të ndryshme jashtë Shqipërisë, po e përcjellim si informacion).
Ekspertët këshillojnë prindërit të shkojnë tek pediatri i fëmijës dhe të konsultohen. Marrja e vaksinës në fillim të sezonit nuk e rrit rrezikun e infektimit, sipas tyre nuk është asnjëherë herët për t’u vaksinuar ndaj gripit.
Ata parashikojnë që ky vit do të ketë viroza serioze dhe këtë e shprehin edhe në faqen “Baylor College of Medicine.” Këshillohen të vaksinohen edhe gratë shtatzëna, të moshuarit etj.

 

Lexoni dhe:Shendeti i femijes, pese menyra per te luftuar gripin dhe rrufen 

')}