Të gjithë e dinë se mungesa e aktivitetit fizik mund të shkaktojë diabet dhe obezitet tek fëmijët, por së fundmi një studim i ri i publikuar nga “Mammographs of the Society for Research in Child Development” i lidh ushtrimet fizike me zhvillimin e aftësisë për të mësuar tek fëmijët dhe të përmirësojë rezultatet e tyre në shkollë. Sipas tyre ushtrimet fizike i japin trurit të fëmijëve një shtysë të nevojshme për zhvillimin e tij.
Fëmijët që janë aktivë fizikisht kanë rezultate më të larta në shkollë, pasi ushtrimet fizike bëjnë që zonat e trurit të tyre te cilat janë përgjegjëse për memorien, mendimin dhe marrjen e vendimeve të zhvillohen më shumë. Fëmijët aktivë kanë gjithashtu përqëndrim më të mirë, gjë që i ndihmon ata në kryerjen e detyrave dhe zgjidhjen e problemeve, shpjegohet në studim.
Këto zbulime janë të vërteta dhe për fëmijët me aftësi të kufizuara. Aktiviteti fizik mund të jetë frytdhënës dhe për fëmijët hiperaktiv dhe ata autik. Ekspertët rekomandojnë që fëmijët të ushtrohen të paktën 60 minuta në ditë, për 5 ditë në javë, por me ngarkesën e detyrave të shtëpisë dhe aktiviteteve të jetës së përditshme ky program mund të jetë i vështirë për tu ndjekur pa ndihmën dhe inkurajimin e prindërve.
Prindërit duhet të punojnë me fëmijët e tyre për të gjetur aktivitetin e përshtatshëm për ta. Këto aktivitete mund të jenë të organizuara si ndeshje futbolli, basketbolli dhe sporte të tjera që kanë nevojë për një trajner ose mund të jenë aktivitete zbavitëse që ai mund t’i zhvillojë nën mbikqyrjen tuaj si vrapi, kërcimi në litar apo shëtitje me biçikletë.
Një tjetër mënyrë për t’i motivuar fëmijët të merren me një aktivitet fizik është duke u bërë personalisht juve shembulli i tyre i parë. Nëse ata ju shohin juve duke u stërvitur e duke kaluar një kohë të bukur, ata do të jenë më të prirur për ta pranuar këtë stil jetese. Duke u ushtruar si familje ju do ta kaloni kohë në mënyrë të shkëlqyer dhe do të jetoni të shëndetshëm.
Lexoni dhe: Shkencetaret sugjerojne 5 menyra qe femija juaj te behet i suksesshem
')}
Për të lënë një koment ju duhet të jeni regjistruar Identifikohu