Frutat dhe perimet e stinës janë shumë të rëndësishme për të pasur një ecuri të mirë të shtatëzanisë dhe zhvillim të shëndetshëm të fëmijës. Gjatë stinës së dimrit gruaja shtatëzanë ka mundësi të ushqehet me një nga perimet më të shëndetshme, lulelakrën.
Cilat janë benefitet e lulelakrës për shtatëzaninë?
Lulelakra është shumë e pasur me vitaminë A, B, C, K, P, fibra, acid folik, dhe kripëra minerale si hekur, fosfor, kalçium, kalium, magnez, zink dhe bakër. Lulelakra është një aleat shumë i rëndësishëm për shëndetin e gruas gjatë shtatëzanisë.
Vetitë e lulelakrës
Lulelakra ka veti abti-bakteriale, rregullon presionin arterial, rrahjet e zemrës dhe funksionin e tiroides. Lulelakra përmban anti-oksindantë të fuqishëm si edhe pak kalori (25 kcal për 100 gr). Ajo nuk përmban gluten dhe për këtë arsye nuk ka limite në përdorim gjatë shtatëzanisë.
Si duhet të jetë pamja?
Lulelakra duhet të jetë gjithmonë e freskët, të mos ketë çelur shumë, të jetë kompakte dhe jo me shenja. Ajo duhet të lahet shumë me kujdes dhe mund të zihet me ujë dhe pak kripë. Më pas mund ta konsumoni me pak vaj ulliri dhe limon. Kjo është vetëm një nga mënyrat e përdorimit të lulelakrës.
Lexoni edhe: Frutat dhe perimet me te mira ne shtatzani
Për të lënë një koment ju duhet të jeni regjistruar Identifikohu