Të konsumosh ushqime të shëndetshme në shtatzani nuk nënkupton të kalosh një vakt por të plotësosh nevojat e organizmit me vitamina dhe minerale, me elementë tepër të rëndësishëm, ndër të cilët më e rëndësishmja është beta-karoteni pasi stimulon zhvillimin e mirë të qelizave të fëmijës, shikimin dhe sistemin imunitar, vitamina C, kaliumi (kontrollon presionin e gjakut), acidi folik etj. Nuk duhet të harrojmë edhe rëndësinë e fibrave që gjenden në frutat dhe perimet të cilat do të parandalojnë edhe shfaqjen e hemorroideve.

Frutat dhe perimet më të rëndëishme në shtatzani

Avokado

Është i pasur me vitamina B, C dhe acid folik. Është gjithashtu edhe një burim i mirë kaliumi. Redukton të vjellat dhe ndihmon në zhvillimin e sistemit nervor të fëmijës. Mos e teproni me sasinë!

Brokoli

Përmbajnë shumë acid folik, vitaminë A, C dhe kalçium. Mund t’i konsumoni në sallatë, të pjekura në avull etj.

Karrota

Karrotat përmbajnë shumë beta-karoten, vitaminë A, C dhe B6. Ndihmojnë në zhvillimin e kockave dhe dhëmbëve. Janë shumë të pasura me fibra dhe mund t’i përdorni në mënyra të ndryshme.

Mango

Përmban sasi të mëdha kaliumi, vitamine C dhe A. Favorizon sistemin imunitar të fetusit, sistemin nervor si edhe shikimin.

Specat e kuq

Në momentin që blini speca zgjidhni ato me ngjyrë të kuqe të errët në mënyrë që të merrni sasi të mira të vitaminave B6, A dhe C.

Spinaqi

Zgjidhni ato me ngjyrë sa më të errët pasi kanë sasi më të mëdha të hekurit dhe acidit folik. I shoqëroni gjithmonë me ushqime që përmbajnë vitaminën C.

Frutat e pyllit

Boronicat, luleshtrydhet, manaferrat janë të pasura me acid folik dhe vitaminë C. Janë edhe shumë të pasura me fibra që parandalojnë konstipacionin. Mund t’i konsumoni edhe me kos.