Disa nëna mund të fillojnë ushqyerjen e fëmijës me ushqime të ngurta (dhe kryesisht fruta) rreth muajit 4-5 të jetës, dhe kjo është e gabuar. Në të vërtetë, ushqimet e ngurta duhet të fillohen në muajin e 6-të, kjo për një sërë arsyesh të rëndësishme. Ushqyerja që në moshë të hershme e bebes me ushqime të ngurta mund të shkaktojë dëmtime të ndryshme.
Ushqyerja para muajit të 6-të, një fëllim jo i mirë i proçesit sepse:
 Fëmija forcohet të hajë ushqime të ngurta ndërkohë që nuk është ende gati ta bëjë, kjo pasi ai ende nuk është në gjendje të qëndrojë ulur në mënyrë korrekte.
 I hiqet një pjesë nga qumështi, i cili është ende një ushqim shumë i rëndësishëm për rritjen e mirë, dhe zhvillimin e kockave.
 Stomaku i tyre nuk është aspak në gjendje të tresë asnjë lloj ushqimi tjetër përvec qumështit.
 Absolutisht nuk duhet të mendoni se në këtë mënyrë rreziku për t’u shfaqur ndonjë alergji e mundshme zvogëlohet.
Rreziku i alergjive
Disa ushqime si për shembull veza, peshku etj, duhet të fillohen të konsumohen nga fëmija në një periudhë më të vonshme, kjo pasi rreziku që këto ushqime të shkaktojnë alergji është më i lartë, megjithatë është mirë që perimet dhe mishi të prezantohen deri në muajin e 12-të (me përjashtim të disa frutave). Ashtu siç duhet zbatuar ky rregull, ashtu duhet të zbatohet edhe i mos fillimit të ushqimeve të ngurta para muajit të 6-të të jetës. Gjithashtu nuk duhet absolutisht të përdorni vezë në ujin e larjes së fëmijës pasi mund të shkaktojë alergji.

Lexoni dhe: Ju duket e cuditshme? Edhe keto mund te jene ushqimet e para te bebes!