Shumica e rasteve të helmimit të ushqimit, kur gjendja nuk është serioze, mund të trajtohen për disa ditë duke pushuar dhe duke u kujdesur në shëpi. Kujdesi specifik do t’ju ndihmojë të rikuperoni ato që keni humbur për shkak të të vjellave që shkakton helmimi.
Parandalimi i dehidratimit
Për shkak të të vjellave ose diarresë, kur keni pësuar helmim, ju do të humbisni shumë lëngje. Dehidratimi është ndërlikimi më i shpeshtë i helmimit. Veçanërisht në lidhje me fëmijët duhet të merren masa për ta parandaluar atë. Këshillohet që fëmijët, por edhe të rriturit të konsumojnë ujë shumë shpesh gjatë ditës, ose çaj. Pijet energjike, ato që përbajnë sodë dhe lëngjet e frutave përmbajnë shumë sheqer dhe nuk i kanë të gjitha elementët që keni nevojë të zëvendësoni për shkak të helmimit. Prandaj, këto pije nuk është mirë t’i konsumoni nëse keni pësuar helmim nga ushqimi.
Dieta
Edhe nëse nuk keni më oreks, përpiquni maksimalisht të ndiqni dietën tuaj të përditshme, sepse do t’ju ndihmojë të merrni sasinë e duhur të lëndëve ushqyese për të cilat keni nevojë.
Dehidratimi te fëmijët
Për fëmijët që ushqehen me gji ose biberon, duhet të vazhdojnë të ushqehen me gji sa më shumë të jetë e mundur. Mund të lindë nevoja t’i ushqeni më shpesh për të zëvendësuar lëngjet e humbura. Për fëmijët pak më të rritur mund t’i jepni edhe gjysmë filxhani me ujë çdo orë dhe përpiquni që të hanë rregullisht si ditët e tjera.
Çfarë të konsumoni gjatë helmimit të ushqimit?
Ushqimet që duhen përdorur më shumë janë patatet, gjoksi i pulës pa lëkurë, drithëra, kos, fruta të freskëta dhe perime. Mundohuni të shmangni ushqimet që kanë shumë yndyrë ose sheqer.
Lexo edhe: Dehidratimi, simptomat qe duhet te njohim
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu