Gjatë shtatzënisë marrja korrekte e vitaminave garanton zhvillimin e rregullt të fetusit dhe mirëqenien e nënës. Përveç kësaj, marrja e vitaminës zvogëlon ndjenjën e lodhjes dhe të dobësisë gjë që është diçka e shpeshtë në këtë periudhë.

Vitaminat ne shtatzani

Acidi folik dhe vitamina B12

Marrja e vitaminës B9, apo acidi folik, është e rëndësishme, në shtatzëni, pasi një mangësi e tij mund të çojë në defektet nervore dhe keqformime kongjenitale kardiovaskulare të fetusit.

Për më tepër, marrja korrekte e folateve zvogëlon rrezikun e komplikimeve, të cilat mund të ndikojnë tek gratë në periudhën e gestazimit, siç është para-eklampsia.  Zakonisht, rekomandohet të shtohet me rreth 400 mcg acid folik në ditë veçanërisht në tre mujorin e parë të shtatzënisë, duke filluar disa muaj përpara konceptimit, nëse është një shtatzani e planifikuar. Ushqimet e pasura me vitaminë B9 janë zarzavatet, domatet, portokalli, bishtajoret dhe mëlçia.  Vitamina B12 gjendet edhe në ushqimet me origjinë shtazore.  Kjo vitaminë është një aleat i shkëlqyer në parandalimin e keqformimeve të fetusit.

Vitamina A

Në tre muajt e fundit të shtatzënisë rritet nevoja për vitaminë A. Megjithatë, konsumimi i tepruar mund të shkaktojë keqformime.

Vitamina D

Marrja e vitaminës D është e lidhur me kalciumin. Rekomandohet për të nxitur rritjen e eshtrave të fëmijës dhe për ta lejuar atë të ndërtojë një skelet të shëndetshëm dhe të fortë. Burimet kryesore të ushqimit të vitaminës D janë vezët dhe disa lloje peshqish veçanërisht me përmbajtje yndyrore, të tilla si salmoni ose skumbri.

Vitamina C dhe E

Vitamina C përmirëson absorbimin e hekurit dhe forcon sistemin imunitar. Kjo vitaminë është e pranishme në disa fruta, të tilla si agrumet, luleshtrydhet dhe kivi, si dhe në domate, speca, lakër dhe brokoli.Vitamina C duhet të merret së bashku me minerale të tilla si hekuri, bakri dhe zinku në mënyrë që të bëhet parandalimi i fillimit të anemisë gjatë shtatzanisë.  Përveç kësaj, vitamina E nuk duhet të mënjanohet. Është një antioksidant i fuqishëm, ndihmon për të parandaluar infeksionet.

Lexo edhe: Vitamna C per femijet, perfitimet, burimet dhe sasia e nevojshme

Sorry, there are no polls available at the moment.

')}