Ushqyerja me gji është shumë e rëndësishme për beben por edhe pse është shumë natyral si proçes nëna pas lindjes së fëmijës (sidomos pas lindjes së fëmijës së parë) mund të ndiejë vështirësi, momente ankthi dhe acarimi. Nënat në përgjithësi kanë edhe frikën se ndoshta do të jenë duke gabuar në lidhje me mënyrën si po veprojnë, nëse fëmija i tyre po ushqehet mjaftueshëm, dhe kështu disa nëna ushqejnë me gji deri në muajin e 6 të jetës dhe disa të tjera më tepër se 1 vit.

Për të gjitha nënat që ushqejnë fëmijën me gji!

• Të ushqesh me gji është një gjest tepër pozitiv. E madje disa mjekë ju këshillojnë të ushqeni me gji në publik fëmijën edhe pse është më i rritur. Në këtë mënyrë do të parandaloni depresionin dhe izolimin të cilët janë shumë të rrezikshëm për nënën.

• Ushqyerja me gji mund të shkaktojë dhimbje tek gjinjtë. Madje fëmija mund të kafshojë thithat dhe për pasojë acarimi do të jetë më i madh. Nëse ndiqni teknikat e duhura mund ta parandaloni këtë sipas ketyre mënyrave (linku).

• Fëmijët që ushqehen me gji marrin ushqimin e duhur. E keni gabim nëse mendoni vazhdimisht se bebi nuk është duke u ushqyer në mënyrën e duhur. Gjoksi juaj gjatë ditëve të para pas lindjes prodhon 20 herë më tepër qumësht nga sa bebi ka nevojë dhe pas 5 ditësh prodhon deri në 10 herë më tepër.

• Gjatë të paktën 15 ditëve të para pas lindjes duhet të evitoni përdorimin e biberonit fallco dhe mbi të gjitha të qumështit shtesë. Nëse fëmija ka probleme me kapjen e gjirit do t’ju favorizonte shumë edhe kontakti lëkurë me lëkurë.

• Nëse gjinjtë dhembin shumë duhet të shikoni se ndoshta ekziston një problem. Mund të bëhet fjalë për plagë të shkaktuara nga kapja jo e mirë (ragadet), nga lodhja apo stresi apo thjesht gjoksi ka nevojë që të mësohet me ushqyerjen e bebes.

Cilat janë vështirësitë më të mëdha që keni hasur gjatë gjidhënies? Sa kohe keni ushqyer me gji?

 

Lexoni edhe:

https://www.pernenat.al/gjidhenia/

')}