Bebet e vogla e përdorin të qarën si një mënyrë për të komunikuar me prindërit dhe në momentin që ai e bën këtë, aktivizon trurin e nënës për t’ju përgjigjur. Në disa raste të qarat e shumta të bebes mund të përkeqësojnë simptomat e depresionit, mund të rrisin frikën e nënës në lidhje me kujdesin e saj dhe në disa raste të rralla mund të “detyrojnë” nënën të “shkundë” beben dhe kjo mund të sjellë pasoja fatale.

Sipas një studimi të kryer nga Marc Bornstein i “National Institute of child health and human developmet”, nënat nga e gjithë bota do të ishin të prirura të përgjigjeshin njësoj ndaj të qarës së fëmijës.

Si i përgjigjen konkretisht?

Ajo e merr në krahë fëmijën që qan (zakonisht brenda shumë pak sekondash) dhe fillon t’i flasë. Ky studim u krye duke përfshirë nënat nga Argjentina, Belgjika, Brazili, Kameruni, Franca, Izraeli, Italia, Japonia, Kenia, Koreja e Jugut, dhe SHBA. U morën plot 684 nëna me fëmijë deri në moshën 5 mujore. Pavarësisht kombësisë apo ngjyrës së lëkurës ato ju përgjigjën njësoj fëmijëve, pra duke e marrë në krah dhe duke i folur. Sipas tyre e qara e fëmijës do të aktivizojë në trurin e nënave atë pjesë që ka lidhje me lëvizjen dhe të folurën, prandaj nëna në të njëjtën kohë i flet fëmijës për ta ngushëlluar por edhe e merr në krahët e saj për t’i dhënë dashuri.

Ndërkohë është ende në përfundim nga i njëjti ekip në lidhje me mënyrën si baballarët i përgjigjën të qarave të fëmijës.

Lexo edhe: Roli i babait ne mbeshtetje te gjidhenies