Fëmijët, kryesisht ndërsa janë shumë të vegjël, janë subjekte shumë të rrezikuara për t’u prekur nga infeksionet në rrugët e frymëmarrjes, tek të cilët mund të shfaqen sekrecione ne zonën e hundës, ftohje, kollë, hundë e bllokuar etj. Në lidhje me të gjitha këto shqetësime mund t’ju vijë në ndihmë masazhi pediatrik, i cili mund të bëhet nga nëna dhe të rezultojë shumë efektiv për fëmijën. Kujdes! Ai duhet të jetë një moment kënaqësie për fëmijën dhe nëse vini re që nuk ka dëshirë, nuk duhet ta detyroni, në të kundërt do ta nervozoni.
Zgjidhje natyrale kundër gripit, një masazh kundër kollës dhe sekrecioneve të hundës
- Masazhi në thoraks (gjoks): uluni në gjunjë mbi një jastëk dhe fëmijën vendoseni sipër këmbëve tuaja, me këmbët e tij rreth legenit tuaj dhe me fytyrë nga ju. Me anën e duarve tuaja bëni goditje të lehta në gjoksin e fëmijës për rreth 30 sekonda. Më pas e ktheni fëmijën me bark poshtë dhe bëni të njëjtën gjë në shpinë, përsëri për 30 sekonda. Nëse fëmija do të nxjerrë sekrecione nuk duhet të alarmoheni pasi është mukusi që del jashtë.
- Masazhi nazal: uluni në tokë dhe e mbështesni diku shpinen tuaj. Më pas ngrini gjunjët dhe e mbështesni fëmijën tek gjunjët tuaja me fytyrë drejt jush. Me anën e gishtave tregues ushtroni një presion të lehtë tek vrimat e hundës së fëmijës në mënyrë që t’i hapni dhe mbyllni. E përsërisni këtë gjë 5-6 herë.
Për të lënë një koment ju duhet të jeni regjistruar Identifikohu