Të gjithë duhet të mësojmë të themi “po” dhe “jo” në jetë. Duhet të mësojmë të themi “jo” në lidhje me ato gjëra që nuk na drejtojnë drejt realizimit të qëllimeve afatgjata, dhe “po” ndaj gjërave që na bëjnë të kemi një eksperiencë të bukur gjatë ditës. Ju keni fuqinë të kontrolloni apo krijoni disa nga momentet më të bukura të jetës, duke i thënë po mundësive që të jepen.

Të gjithë kemi një listë të gjërave që duam të bëjmë në jetë

Por që shpesh mendojmë se duhet më tepër forcë nga sa kemi për t’i realizuar. Nuk është kështu! Duhet të dini se gjatë jetës universi gjithmonë duket sikur “gatuan” shanse për ne, duket se na ofron pafund mundësi të cilat duhet të kemi kurajon t’i pranojmë dhe të ecim përpara.

Shpesh jetojmë në mënyrën e gabuar duke i kushtuar rëndësi vetëm gjërave dhe vendimeve më të mëdha, kur në të vërtetë duhet të pranojmë t’ju kushtojmë rëndësinë e duhur edhe gjërave të vogla, për shembull një seance yoga e cila do të na bëjë të ndihemi shpirtërisht dhe fizikisht me mirë.

Jeta jonë merr formë pikërisht nga gjërat e vogla, nga ato vendime që ndoshta i kemi konsideruar të parëndësishme. Lumturia e vërtetë do të vijë nga rëndësia që do t’i jepni gjërave të vogla pikërisht si një mundësi për t’ju bërë të ndiheni më mirë. Ndaj, është detyra jonë t’i themi “po” mundësive që jeta na jep dhe një moment argëtimi mund të jetë të kënduarit në karaoke pa menduar sa keq mund të ngjajë zëri juaj i stonuar në veshët e të tjerëve, sepse ju jeni atje për t’u argëtuar dhe nuk duhet të keni frikë të thoni “po” kur ju ofrojnë mikrofonin. E njëjta gjë edhe me mundësitë e tjera të vogla, dhe ndoshta në fund do ta kuptoni se nuk keni më nevojë për gjëra të mëdha për të qënë të lumtur!

Lexo edhe:

Cfare e ben te lumtur nje nene ne prag festash?

Metoda Hygge per te rritur femije te lumtur

Sorry, there are no polls available at the moment.

 

 

 

 

')}