Kjo ndodh jo vetëm në Itali por edhe në Francë, Gjermani dhe Angli (në Shqipëri nuk ka studime të tilla).

Nga 10 persona që këshillohen të përdorin suplemente ushqimore, 8 ndjekin sugjerimin e mjekëve ose farmacistëve. Suplementet janë një përbërës i qëndrueshëm i strategjive individuale për të siguruar një shëndet të mirë. Dhe vlera e tyre sociale bën që tregu i suplementeve të lulëzojë.

Të dhënat e Censis

Kjo u zbulua nga Censis, i cili njoftoi rezultatet e një studimi (“Vlera sociale e suplementeve të ushqimit”). Janë saktësisht 32 milion italianë që konsumojnë suplemente ushqimore. Më shumë se 18 milion e bëjnë këtë çdo ditë (çdo ditë ose disa herë në javë) dhe më shumë se 4 milion disa herë në muaj. Gratë i përdorin ato më shumë (60.5%).

Suplementet përdoren më shumë duke marrë këshilla nga mjekët ose nga farmacistët.

Pra përdorimi i suplementeve ushqimore nuk është rezultat i impulseve të konsumatorit, por një trend i përhapur i frymëzuar nga qëllimi për mbrojtjen e shëndetit, në të cilin mjeku dhe farmacisti shpesh njihen si referenca në zgjedhjen dhe përdorimin e këtij produkti farmaceutik.

Kush i konsumon këto suplemente

74% e të anketuarve që përdorin suplementet vlerësojnë pozitivisht pasojat për trupin e tyre. Vetëm 1.7% ankohen për rezultate jo pozitive. Ata që kanë marrë suplemente ushqimore kanë regjistruar efekte pozitive në përputhje me objektivat e pritura. E rëndësishme është funksioni i kryer nga suplementet për parandalimin e sëmundjeve. 58.1% e atyre që marrin suplemente janë me shëndet të shkëlqyeshëm ose të mirë. Suplementet dietike bëhen kështu një përbërës i qëndrueshëm i strategjive individuale.