Stresi ndikon në sëmundje fizike duke ndikuar në sistemin imunitar, është thënë në një studim të ri.

Studiuesit në Universitetin e Michigan kanë identifikuar mënyrën se si stresi ndërvepron me qelizat që duhet të mbrojnë trupin nga infeksionet, duke u manifestuar në sëmundje fizike.

Studimi ka treguar se stresi mund të ndikojë mekanizmat mbrojtës, substancat që luftojnë bakteret dhe viruset, duke zmadhuar reaksionet alergjike apo simptomat e sëmundjeve autoimune.

Mjekët besojnë që mjetet për menaxhimin e stresit, siç janë ushtrimet për frymëmarrje apo yoga, janë të nevojshme për trajtimin e simptomave të sëmundjeve siç mund të jetë astma apo irritimet nga alergjitë.

Studimi, i botuar në “Journal of Leukocyte Biology”, zbuloi se si receptorët e stresit, të njohur si faktor lëshues të kortikotropinës (CRF1), dërgojnë sinjale në qeliza të caktuara imune, të quajtura qeliza mastike të cilat kontrollojnë dhe mbrojnë trupin.

Këto janë një lloj i qelizave të bardha të gjakut, të cilat janë të përfshira në përgjigjet inflamatore të tilla si ndjeshmëria dhe reaksionet alergjike kur sistemi imunitar është i kërcënuar. Këto qeliza aktivizohen zakonisht gjatë situatave që ndodhemi në stres

Hulumtuesit kanë kryer një studim të miut për të shqyrtuar përgjigjet e qelizave imune ndaj stresit psikologjik dhe alergjik. Një grup i minjve kishte receptorët e stresit në qelizat e tyre të barkut, ndërsa grupi tjetër nuk kishte receptorë stresi.

Ata zbuluan se minjtë me receptorët e stresit kishin nivele të larta të sëmundjes, ndërsa minjtë pa receptorë të stresit kishin më pak sëmundje dhe ishin të mbrojtur nga stresi psikologjik dhe alergjik.

Adam Moeser, një profesor i asociuar i specializuar në sëmundjet e shkaktuara nga stresi, tha se kur qelizat aktivizohen gjatë situatave stresuese, ato janë të prekshme për t’u kontrolluar nga receptorët e stresit.

“Kur kjo ndodh, CRF1 dërgon mesazhe tek këto qeliza që të lirojnë substanca kimike që mund të çojnë në sëmundje inflamatore dhe alergjike të tilla si sindroma i zorrëve, astma si dhe alergjitë ushqimore të cilat kërcënojnë shëndetin e njeriut”, shpjegoi Moeser.

Lexoni edhe: Menyrat per te menaxhuar stresin e perditshem

')}