Rëndësia e të bërit sport

Dihet mirë se sporti është i rëndësishëm dhe themelor në zhvillimin e fëmijës. Nga tani e tutje, ka një motiv tjetër për të inkurajuar fëmijët tuaj që të ushtrojnë aktivitet fizik: noti, futbolli, vallëzimi ose ndonjë lloj tjetër i lëvizjes zvogëlon rrezikun e dhimbjes së shpinës tek fëmijët.

Në kundërshtim me atë që besohet, nuk ankohen vetëm të rriturit për dhimbjet e shpinës. Kohët e fundit, ka pasur një bum të vërtetë të dhimbjeve që nga puberteti.

Arsyeja?

Qëndrimi ulur për orë të tëra në shkollë, por edhe në shtëpi, të vendosur mbi pc dhe tabletë.

Si ta zgjidhim problemin

Për këtë arsye, ekspertët i këshillojnë të gjithë prindërit të regjistrojnë fëmijët e tyre në kurse sportive për të zvogëluar rrezikun e dhimbjes së shpinës.

David Pomarici, osteopat, fizioterapist dhe kreu i Shërbimit Posturologjik të moshës zhvillimore në GRUPIN INI, Instituti Italian Neurotraumatologjik, shpjegon se:Gjithnjë e më shpesh fëmijët fillojnë të vuajnë nga dhimbja e shpinës në adoleshencë, rreth 11 vjeç dhe përgjegjësia është e zakoneve të pahijshme, mungesa e aktivitetit motorik dhe qëndrimi për një kohë të gjatë ulur, të cilat ndryshojnë qëndrimin postural.

Kur duhet të fillojnë të luajnë sport

Sipas statistikave, mesatarisht, fëmijët luajnë vetëm një orë në javë. Përveç kësaj, gjithnjë e më shumë kanë televizor në dhomën e tyre të gjumit, video games dhe PC që i shtyjnë ata të qëndrojnë brenda, të ulur ose të shtrirë në ulur.

Ideale do të ishte praktikimi i të paktën 60 minutave të aktivitetit fizik çdo ditë: jo vetëm për sporte, por edhe shëtitje në natyrë. Sipas osteopathit, noti dhe artet marciale janë veçanërisht të rëndësishme: sportet individuale që kontribuojnë për ta bërë fëmijën të vetëdijshëm për trupin e tij.

Lexo edhe: Pse duhet te merren me sport femijet?