Skuqja në fytyrë nuk është vetëm një problem estetik, por shpesh një sinjal që tregon se kemi nevojë për ndërhyjren e dermatologut në lëkurë.

Venat e gjakut zgjerohen

Skuqja që shfaqet në fytyrë apo ndonjë zonë tjetër të trupit, nuk është vetëm një problem estetik, sepse ajo buron nga hapja e tepruar e enëve të gjakut, që rezulton në furnizim më të lartë me gjak, gjë që me kalimin e kohës sjellë plakje të parakohshme ose sëmundje të tjera. Për këtë arsye është e rëndësishme që të mos nënvlerësoni simptomat dhe të konsultoheni me dermatologun kur vëreni skuqje.

Më pak oksigjen në qeliza

Kur kapilarët zgjerohen shumë, rrjedhja e shpejtësia e gjakut tenton të ulet, dhe qelizat e lëkurës marrin më pak oksigjen, duke ngadalësuar metabolizmin e tyre. Kjo çon në një prodhim më të ulët të kolagjenit dhe elastinit dhe në një plakje të parakohshme të lëkurës. Zgjerimi i kapilarëve gjithashtu mund të shkaktojë rritje të temperaturës.

Dermatologu është i nevojshëm

Kjo shpjegon qartë pse nuk mund ta konsiderojmë skuqjen vetëm një problem estetik dhe duhet të drejtohemi te mjeku. Madje, njerëzit tek të cilët këto probleme komplikohen, nuk përballen vetëm me anën fizike, por edhe atë kozmetike sepse paragjykohen për ndryshimet në pamje, që shkaktojnë stres të vazhdueshëm.

Lexo edhe: Pikat e kuqe ne lekuren e femijes