Pritja është e vështirë për fëmijët e vegjël, por është një cilësi që duhet ta mësojnë për shumë arsye. Dhënia e mësimeve për durimin, jo vetëm që fut këtë virtyt tek ata, por gjithashtu përcakton dhe formon karakterin e tyre sesi do të jenë kur të rriten.
Fëmijët duhet të mësojnë të presin për shumë gjëra dhe për shumë arsye. Atyre u kërkohet të presin që të luajnë me një lodër. Ata janë të sfiduar të mbajnë radhën për të përdorur tualetin. Duhet të presin për të kaluar në anën tjetër të rrugës, sepse mund t’i shtypë makina.
Ky i fundit është ndoshta mësimi më i madh që prindërit duhet t’i japin: fëmijët të presin për të qenë të sigurtë. Për fëmijët e vegjël konceptet e rrezikut dhe mundësia e vdekjes janë abstrakte dhe një prind duhet të gjejë mënyra për të ilustruar rëndësinë e pritjes në një udhëkryq ose në një situatë tjetër të rrezikshme, në një mënyrë që fëmija mund ta kuptojë.
“Aty ku siguria është faktor, është e rëndësishme të sqaroni në mënyrë të qartë, me respekt dhe vazhdimisht pritjet tuaja të përshtatshme për moshën, ndërsa jeni duke pritur”,- thonë ekspertët.
Si të mësosh një fëmijë të presë?
- Jini të qëndrueshëm në shpjegimin se si të prisni, veçanërisht kur është e rëndësishme siguria.
- Bëni atë që vjen natyrshëm pas pritjes, si loja pas pastrimit.
- Mos i jepni ryshfet fëmijëve pasi presin sepse mund t’i mësoni që gjithmonë të presin shpërblim pas një sjelljeje të arsyeshme.
- Kthejeni pritjen në një lojë duke u angazhuar me fëmijën tuaj.
Shembulli i prindit
Është shumë e rëndësishme edhe sesi ju modeloni sjelljet e durimit përpara fëmijëve tuaj. Një fëmijë nuk mund të bëhet i durueshëm nëse sheh të atin që shqetsohet se është vonë për një takim dhe ka shumë pengesa rrugës.
Pritja gjithashtu mund të jetë shumë zbavitëse. Koha e kaluar në një platformë të metrosë ose në radhë në një dyqan ushqimesh mund të ofrojë momentet kryesore për prindin dhe fëmijën për të bërë së bashku “një budallallëk të vogël”.
Për shembull ndërsa prisni, kërkojini fëmijës të numërojë deri në 20.
Lexo edhe: Si te sillemi kur femija teston durimin tone?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu