Kur djali im ishte në klasën e parë, sa herë kthehej nga shkolla më thoshte se nuk luante me askënd. Dukej gjatë gjithë kohës i mërzitur dhe i vetmuar. Kur kjo situatë u përsërit pothuajse çdo ditë, shkova të takoja mësuesen për ta pyetur se ku qëndronte problemi. Mësuesja më tha se im bir afrohej me shokët dhe shoqet, por pas disa çastesh largohej prej tyre.

Kur e diskutuam këtë çështje me psikologen, ajo na këshilloi të kuptonim se çfarë eksperience të hidhur ka përjetuar djali që i ka lënë këtë shije të keqe. Truri fokusohet dhe mban mend gjërat e këqija”, – tha ajo. “Një përvojë negative mund të ketë këto pasoja që ai edhe pse rri me shokët, e ka të vështirë të qëndrojë gjatë me ta dhe largohet”.

Më vonë, kuptova se ishte pikërisht një lojë që djali im kishte shumë dëshirë të merrte pjesë, por mendonte se nuk ishte i aftë. Ky ishte problemi dhe arsyeja përse e kishte të vështirë të rrinte me bashkëmoshatarët.

Mësuesit dhe drejtorët e shkollave këshillojnë prindërit që sa herë vënë re se diçka nuk shkon, të kontaktojnë me ta, për të marrë infromacione shtesë rreth problemit të fëmijës dhe kështu të dy komunitetet në bashkëpunim, shkolla dhe familja të përpiqen të gjejnë zgjidhje. Punonjësit socialë dhe psikologët e shkollave mund të jenë gjithashtu një ndihmë shumë e madhe për prindërit.

Çfarë mund të bëjë shkolla për fëmijët që kanë vështirësi në krijimin e marrëdhënieve?

– Së pari shkolla duhet të bashkëpunojë me familjen për t’i ardhur në ndihmë fëmijëve.

– Gjithashtu mund të organizohen punë dhe detyra në grup, që nxisin nxënësit të bashkëveprojnë me njëri-tjetrin.

Në shtëpi

– Prindërit mund të pyesin fëmijën se cili është shoku/shoqja me të cilën dëshironë të rrijë, të luajë dhe të organziojë takime dhe aktivitete me të.

– Duhet të qëndroni afër fëmijëve për të parë ndërveprimin e tyre me shokët/shoqet dhe nëse lind ndonjë problem në komunikim, mund t’i ndihmoni.

– Angazhojini fëmijët në aktivitete jashtëshkollore si muzika ose sporti. Kjo do t’i ndihmojë të zënë shokë të rinj.

– Ndonjëherë fëmijët kanë nevojë të kryejnë disa herë të njëjtën rutinë, që të ndihen rehat duke e bërë atë.

Lexo edhe: Zhvillimi i femijeve sipas gjinise
')}