Teksa verës i erdhi fundi, prindërit përpiqen ti kthejnë fëmijët në regjimin e gjumit për vitin e ri shkollor. Kjo është shumë e nevojshme pasi fëmijët nga 6 deri në 13 vjeç kanë nevojë për 9 deri ne 11 orë gjumë që mendja e tyre të funksionojë  me kapacitet të plotë e të përthithë informacionin, gjë që është shumë e rëndësishme gjatë aktivitetit shkollor. Për shkak se shumë shkolla e fillojnë mësimin herët në mëngjes, kalimi nga programi i gjumit gjatë periudhës së verës në atë të fillimit të shkollës, mund të jetë i vështirë. Fatmirësisht ky është një problem i zgjidhur gjerësisht nga prindër që përdorin strategji të ndryshme për të bërë të mundur këtë tranzicion.
Kjo është një mundësi e mirë për prindërit që të rishikojnë rutinën e orarit të gjumit dhe të kuptojnë rëndësinë e tij për fëmijët- thotë  Dr. Liz Super, pediatre në spitalin e fëmijëve në Oregon. “ Ka shumë studime që tregojnë se gjumi është shumë i rëndësishëm për  fëmijët  e shkollës; gjumi i ndihmon ata në përmirësimin e funksionalitetit të trurit, në përmirësimin e sjelljes dhe gjëndjes emocionale. Për të vendosur orarin e gjumit gjatë shkollës, prindërit duhet të fillojnë të zgjasin kohën e gjumit fëmijëve pak nga pak, në mënyrë që tranzicioni mos të  jetë shumë i vështirë për ta. Kjo periudhë tranzicioni zgjat idealisht dy javë. Mundohuni ta shtoni kohën e gjumit të fëmijëve me 15 deri në 20 minuta çdo ditë.

Por si duhet ta përgatisni fëmijën për këtë ndryshim?

Filloni duke darkuar një orë më herët në mënyrë që truri të bëjë një lidhje me vaktet e ngrënies dhe gjumin. Pas kësaj të gjithë ekranet duhet të fiken: televizori, telefoni dhe kompjuteri. Është  vërtetuar se përdorimi i kompjuterit përpara gjumit mund të shkaktoj pagjumësi. Pas kësaj lejojini fëmijës 30 minuta relaks, ndoshta një banjë apo të lexoj një libër. Në këtë mënyrë do ta keni shumë të thjeshtë ta bëni këtë tranzicion thote Dr. Super, pa u munduar shumë me strategji që kanë shumë hapa te ndërlikuar…
Si e kanë perballuar fëmijët tuaj ndryshimin e orarit të gjumit? A ishte i thjeshtë ambjentimi për ta?

')}