Gjithnjë ka ekzistuar mendimi se gjendja e mërzitjes i bën keq fëmijës dhe nuk duhen lënë asnjëherë të mërziten. Ndërkohë, së fundmi, psikologët gjithnjë e më shumë po hedhin dritë mbi faktin se ekziston një lidhje mes mërzitjes dhe zhvillimit të inteligjencës tek fëmija. Sipas studimeve të fundit, mërzitja do të stimulonte zgjuarsinë e fëmijës.
Mërzitja i bën mirë fëmijëve
Mërzitja nuk është një gjendje negative për fëmijët. Psikologët thonë se është e udhës që fëmija të kalojë kohë i vetëm, për të njohur më mirë veten, të gjejë hapësirën për të kuptuar çfarë dëshiron të bëjë e çfarë dëshiron të jetë. Nëse e angazhoni vazhdimisht fëmijën tuaj në kurse, lojëra, sporte, etj, ai do të jetë gjithë kohën i zënë, dhe do të bëhet rob i rutinës, pa qenë në gjendje të zbulojë preferencat e tij.
Çfarë thonë ekspertët?
“Çdo njeri ka nevojë për hapëriën e tij që të ndihet vetëm, jo duke marrë vazhdimisht këshilla nga të tjerët. Kjo na mëson të dallojmë atë që duam dhe atë që jemi. Por kujdes, nëse e lini fëmijën shumë gjatë në këtë gjendje, do mendojë se nuk ka vlerë dhe nuk e marrin në konsideratë”, – shpjegon profesori i Psikologjisë Klinike, Dr.Pani.
Frika e prindërve
Fakti që prindërit përpiqen me çdo kusht që të angazhojnë fëmijët në sport, shoqëri apo shkollë edhe kur nuk është e domosdoshmërisht e nevojshme, është shenjë e një lloj “frike nga mërzitja” që ka nëna dhe babai. Ekspertët kanë theksuar në mënyrë të përsëritur se mërzitja është një gjendje e çastit që çdo fëmijë duhet të jetojë.
Lërini fëmijët të mërziten
Psikoanalisti Adam Phillips ka shkruar në esenë e tij në vitin 1993 se “aftësia për tu mërzitur, lejon që fëmija të rritet, sepse mërzia i jep mundësinë të mendojë për jetën. Prandaj, prindër mbajini mend këto fjalë”.
Lexo edhe: Femijet ne supermarket, si stimulohet inteligjenca
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu