Përbërësit:

• 5-2 kg miell;
• 5 kokrra vezë;
• Ujë (masa shihet me sy të lirë sa të zihet një brumë as shumë i fortë as shumë i ujshëm).
• 2 kg arra.

Përgatitja:

Pasi zëmë brumin e lëmë të vijë rreth 1 orë e 30 minuta në një ambient të ngrohtë, të mbështjellë me një peshqir ose pecetë kuzhine.

Më pas e ndajmë në topa të vegjël, në madhësinë e një gjysmë grushti. Topat e vegjël i hapim duke i tërhollur. Petët i lëmë të thahen në ambiete të ndryshme të shtëpisë si tavolina, divanë, krevatë, mbi të cilët kemi shtruar çarçafë të larë.

Pasi petët të jenë tharë rreth dy orë i marrim, i shtrojmë në një tepsi të cilën e lyejmë me pak vaj. Për çdo 3-4 petë të shtruara hedhim arrët e copëtuara. Vazhdojmë kështu derisa të përfundojnë petët.

E presim në formë gurabie, ose sipas dëshirës. Në fund, tretim gjysmë kilogramë gjalpë dhe e bashkojmë me gjysmë kilogramë vaj (ose 1 kilogramë gjalpë) dhe ia hedhim bakllavasë sipër.

E vendosim në furrë rreth 4 ose 4.5 orë në temperaturë 150 gradë.

Ditën tjetër, përgatisim sherbetin e bakllavasë.

Për përgatitjen e sherbetit nevojiten:

• 2 kilogramë sheqer;
• 5 kilogramë ujë.

E vendosim në zjarr mesatar, derisa sherbeti të trashet. E heqim nga zjarri dhe teksa është ende i nxehtë ia hedhim bakllavasë.

Lexo edhe: Bakllavaja turke