Kur lëkura e bebes është e thatë dhe shumë e ndjeshme ndaj faktorëve të jashtëm mund të shfaqet dermatiti atopik. Në rast të tillë zgjidhja më e mirë është përdorimi i metodave natyrale.

Çfarë i bën mirë lëkurës delikate të fëmijës?

Lëkura e fëmijës që vuan nga dermatiti atopik ka nevojë për një përkujdesje të vecantë si edhe për një hidratim të mirë. Gjithashtu mund të veproni kështu:

Në shtëpi:

• Përdorni veshje prej materiali pambuk ose lin me ngjyra të hapura.
• Evitoni vendosjen e tapetëve dhe moketëve të cilat mbledhin pluhurin dhe mykun. E njëjta gjë vlen edhe për arushët e pellushit.
• E mbani ambientin e shtëpisë shumë të ajrosur.

Në plazh:

• Në plazh përdorni një krem mbrojtës me faktor shumë të lartë.
• E shpëlani gjithmonë fëmijën pasi ka dalë nga deti me ujë të pastër.
• Nëse fëmija ka një lezion në lëkurë e mbroni me anën e një garze në mënyrë që të mos hyjë në kontakt me rërëbn dhe për pasojë infektohet.

Larja e fëmijës:

• Mos i bëni fëmijës banjo cdo ditë, kjo pasi larja e shpeshtë do t’ja heqë më tepër yndyrën lëkurës.
• E lani fëmijën 1-2 herë në javë, me ujë jo shumë të nxehtë duke hedhur një lugë vaj ulliri në ujë ose një lugë niseshte orizi.
• Përdorni gjithmonë produkte delikate që nuk krijojnë shumë shkumë.
• E thani mirë lëkurën e fëmijës me anën e prekjes dhe jo fërkimit si edhe aplikoni një vaj specifik (mund të jetë edhe vaji i ullirit).